အာဖရိက အီဘိုလာရောဂါ အမေရိကန်ဆရာဝန်ကိုကူးစက်

အာဖရိကတောင်ပိုင်းနိုင်ငံများတွင် ကူးစက်ဖြစ်ပွားနေသည့် အီဘိုလာ (Ebola) ရောဂါကို သွားရောက်ကုသပေးနေသည့် အမေရိကန်နိုင်ငံမှ အသက် ၃၃ နှစ်အ၇ွယ် ဒေါက်တာကန့်ဘရင်တီကို ယင်းရောဂါကူးစက်နေကြောင်း သိရသည်။သူကိုယ်တိုင် ရောဂါကူးစက်သည့်လက္ခဏာများကို သတိပြုမိသဖြင့် သီးခြားခွဲထုတ်ထားသည့်အဆောင်သို့ ၀င်သွားပြီဟု သိရသည်။  အီဘိုလာရောဂါသည် အလွန်ကူးစက်လွယ်သည့်ရောဂါဖြစ်ပြီး ကူးစက်ခံရသူ ၉၀% မှာ သေဆုံးသည့်အထိ ပြင်းထန်သည်။ ယခုနှစ်ဆန်း ရောဂါစတင်ကူးစက်ဖြစ်ပွားချိန်ကစပြီး လူပေါင်း ၆၇၂ ဦးသေဆုံးခဲ့ပြီဖြစ်သည်။ အာဖရိကတိုက် ဂီနီနိုင်ငံတွင် စတင်ဖြစ်ပွားပြီး လိုင်ဘေး၇ီးယားနှင့် ဆီရာလီယွန်နိုင်ငံများသို့ ကူးစက်ပျံ့နှံ့ခဲ့သည်။ ဒေါက်တာဘရင်တီသည် ဆာမင်ထရီတန် ကူညီပေးရေးအင်န်ဂျီအိုအဖွဲ့၏ အီဘိုလာကူးစက်ရောဂါဌာနတွင် လုပ်ကိုင်နေသူ ဖြစ်သည်။ ရောဂါကူးစက်မှုများ၊ သီးခြားဆောင်များကို ထိန်းသိမ်းထားရှိပုံနှင့် ပတ်သက်၍ ယခုနှစ်ဆန်းပိုင်းတွင် ဒေါက်တာဘရင်တီက ရှင်းလင်းပြောဆိုခဲ့ရာတွင် - “ဆေးရုံက အထူးသတိထားပြီး ဆောင်ရွက်နေပါတယ။် အရင်က အီဘိုလာကူးစက်ရောဂါကူးစက်ပြီး သေဆုံးသူအများအပြားက ကျန်းမာရေးလုပ်သားတွေ ဖြစ်ကြပါတယ်။ သူတို့က ရောဂါဖြစ်သူတွေကို ကုသပြုစုပေးရင်းနဲ့ သူတို့ကိုယ်တိုင်ေ၇ာဂါကူးစက်ခံရတာပါ” ဟု ၎င်းကဆိုသည်။ အမေရိကန်နိုင်ငံ တက္ကဆက်ပြည်နယ်သားဒေါက်တာ ဘရင်တီ၏ မိသားစုကလည်း ၎င်းနှင့် အတူ အာဖရိကတွင် နေထိုင်ခဲ့ပြီး မကြာသေးမီကမှ အမေရိကန်သို့ ပြန်သွားခဲ့ခြင်းဖြစ်သည်။ လိုင်ဘေးရီးယားမှ ရောဂါကူးစက်ပြီး ရောက်ရှိသူတစ်ဦး စတင်သေဆုံးခဲ့ပြီးသည့်နောက် အာဖရိက၏ လူနေအထူထပ်ဆုံး နိုင်ငံဖြစ်သည့် နိုင်ဂျီးရီးယားလေဆိပ်နှင့် ကူးတို့ဆိပ်ကမ်းတို့တွင် ယခုအခါ အရေးပေါ်အခြေအနေကြေညာခဲ့သည်။ လေယာဉ်ပေါ်တွင် အော့အန်ပြီး အဖျားကြီးသည့် လက္ခဏာဖြင့်ရောက်လာပြီးသည့်နောက် ဆေးရုံတွင်သီးခြားခွဲထားသော်လည်း ပြီးခဲ့သည့် သောကြာနေ့က သေဆုံးသွားခဲ့သည်။ ၎င်းစီးနင်းလိုက်ပါလာသည့်လေယာဉ် တထောက်နားရာ တိုဂိုတွင်လည်း ရောဂါ ပျံ့နှံ့ခဲ့နိုင်သဖြင့် အရေးပေါ်သတိပေးထားသည်။ အီဘိုလာရောဂါသည် ရောဂါရှိသူသေဆုံးချိန်တွင် အရေပြားမှထွက်သောအရည်နှင့် တွေ့ထိမိရာက ကူးစက်ပြီး ဒေသခံဓလေ့အရ သေဆုံးသူကို ကိုင်တွယ်ပြင်ဆင်မှုများကြောင့်လည်း ရောဂါကူးစက်ကြကြောင်း သိရသည်။ 

7day daily