မကွေးမြို့၌ Miss Golden Land Myanmar ပြိုင်ပွဲဝင် အလှမယ်များ စုပေါင်း သန့်ရှင်းရေး ပရဟိတ ဆောင်ရွက်

မကွေးတိုင်း ဒေသကြီး မကွေးမြို့သို့ လေ့လာရေး ခရီးစဉ်အဖြစ် ရောက်ရှိနေသော Miss Golden Land Myanmar ပြိုင်ပွဲဝင် အလှမယ် ၂၅ ဦး ပါဝင်သည့် အဖွဲ့ဝင် ၄ဝ တို့သည် မကွေးမြို့နယ် စည်ပင်သာယာရေး ကော်မတီမှ ဝန်ထမ်း ၆ဝ နှင့် ပူးပေါင်း၍ ပတ်ဝန်းကျင် သန့်ရှင်းရေး ပရဟိတ လုပ်ငန်း အဖြစ် ဇူလိုင် ၂၈ ရက် မွန်းလွဲ ၁ နာရီခွဲမှ စ၍ မကွေးမြို့ မြို့မ အိုးဘိုရပ်ကွက်၊ ကမ်းနားလမ်းနှင့် မဲထီးလမ်းထောင့်ရှိ မြဧရာ ပန်းခြံအနီးမှ ကမ်းနားလမ်း တစ်လျှောက် စုပေါင်း အမှိုက်ကောက်ခြင်း လုပ်ငန်းများ ဆောင်ရွက်ခဲ့ကြောင်း သိရသည်။

ထိုသို့ သန့်ရှင်းရေး လုပ်ငန်း ဆောင်ရွက်ခြင်းကို မကွေးမြို့နယ် စည်ပင်သာယာရေး ကော်မတီ အတွင်းရေးမှူး ဦးနေမျိုးနိုင်နှင့် ကော်မတီဝင် ဦးကျော်ဝင်းတို့က ကြီးကြပ် ဆောင်ရွက်ခဲ့သည်။ အဆိုပါ အဖွဲ့သည် Miss Golden Land Organization ၏ အစီအစဉ်ဖြင့် ဗိဿနိုး မြို့ဟောင်းကို အထူး လေ့လာရေး ခရီးစဉ် အဖြစ် ရောက်ရှိလာခြင်း ဖြစ်ပြီး မကွေးမြို့မှ တစ်ဆင့် မင်းဘူး စက္ကိန်းတဲဘုရား၊ ရွှေစက်တော်နှင့် နတ်မောက်မြို့ရှိ ဗိုလ်ချုပ်နေအိမ်သို့ ဆက်လက် သွားရောက်မည် ဖြစ်သည်။

ခရီးစဉ် တစ်လျှောက်ရှိ လိုအပ်သည့် နေရာများ၌ ပရဟိတလုပ်ငန်းများ ဆောင်ရွက် လုပ်ကိုင် သွားမည် ဖြစ်ကြောင်း ခေါင်းဆောင် အလှမယ် တစ်ဦးက ပြောကြားခဲ့သည်။

စောလှနွယ်

Like

Read More

တောင်ပြာတန်းယာဉ်မီးလောင်မှုတွင် သေဆုံးသူများအား ကျပ်သိန်း ၃၀ စီပေး

တောင်ပြာတန်းယာဉ် မီးလောင်မှုဖြစ်စဉ်တွင် သေဆုံး သွားသည့် ခရီးသည် ခုနစ်ဦးအား အသက်အာမခံကြေးနှင့် နစ်နာ ကြေးအပါအ၀င် စုစုပေါင်း ကျပ် သိန်း ၃၀ စီပေးအပ်လိုက်ကြောင်း သတင်းရရှိသည်။

တောင်ပြာတန်းယာဉ်လိုင်း ဖြစ်စဉ်တွင် သေဆုံးသွားသူများ အား အသက်အာမခံကြေးပေး ဆောင်ရာတွင် ဖြစ်စဉ်ဖြစ်ပွားပြီး လေးလအကြာ၌ ပေးဆောင်ခဲ့ ခြင်းဖြစ်သည်။ ဇူလိုင် ၃၁ ရက် တွင် တောင်ပြာတန်းယာဉ်လိုင်း နှင့် ခရီးသွားအာမခံလုပ်ငန်းတို့က သေဆုံးသူများ၏ မိသားစုဝင်များ ကို ပေးအပ်ခဲ့ခြင်းဖြစ်သည်။

သေဆုံးသူခုနစ်ဦးအား ခရီး သွားအာမခံလုပ်ငန်းက တစ်ဦး လျှင် အသက်အာမခံကြေးအ တွက် ကျပ် ၁၀ သိန်း၊ ခရီးသွား နစ်နာကြေးအတွက် ကျပ်ငါးသိန်း နှင့် တောင်ပြာတန်းယာဉ်လိုင်းက နစ်နာကြေးအဖြစ် သေဆုံးသူ တစ်ဦးလျှင် ကျပ် ၁၅ သိန်းအသီး သီးပေးအပ်ခဲ့ခြင်းဖြစ်သည်။

‘‘ဒီနေ့ပဲ တောင်ကြီးမြို့မှာ ပေးအပ်ခဲ့ပါတယ်။ သေဆုံးသွား တဲ့သူတွေ တစ်ဦးကို ကျပ်သိန်း ၃၀ စီပေးခဲ့ပါတယ်။ အသက် အာမခံကြေးက ၁၀ သိန်းပါ။ ကျွန်တော်တို့ယာဉ်လိုင်းက ၁၅ သိန်းပေးခဲ့ပါတယ်’’ဟု တောင်ပြာတန်းခရီးသည်ယာဉ်လိုင်းပိုင်ရှင် တစ်ဦးဖြစ်သူ ဦးကျော်ဦးကပြော သည်။

‘‘တောင်ပြာတန်းယာဉ်လိုင်း ကို အရေးယူမှုတစ်စုံတစ်ရာ ဘာ လို့မလုပ်တာလဲဆိုတာ သိချင်ပါ တယ်။ ရာဇာမင်းယာဉ်လိုင်းကို အရေးယူသလိုတောင်ပြာတန်း ယာဉ်လိုင်းကိုလည်း အရေးယူမှု တစ်စုံတစ်ရာ ပြုလုပ်စေချင်ပါ တယ်။ ကျွန်တော့်သမီးလေးဆို ကိုးနှစ်ပဲရှိသေးလို့ အသက်အာမ ခံကြေးမလုပ်တော့မရဘူး’’ဟု တောင်ပြာတန်းယာဉ်မီးလောင်မှု ဖြစ်စဉ်တွင် ၎င်း၏ သားနှင့် သမီး ဆုံးရှုံးခဲ့သူ ဦးစိန်လှိုင်ကပြော သည်။

ဧပြီ ၁၂ ရက်က တောင်ပြာ တန်းခရီးသည်တင်ယာဉ်သည် ချီဇာ(Chaser) အဖြူရောင် ဆလွန်းကားတစ်စီးကို ၀င်တိုက် ရာ ဆလွန်းကားငယ်မှ ဆီတိုင်ကီ ပေါက်၍ မီးလောင်မှုဖြစ်စဉ်တွင် ဆလွန်းကားငယ်ပေါ်မှ လိုက်ပါ လာသူ ခြောက်ဦးနှင့် တောင်ပြာ တန်းခရီးသည်တင်ယာဉ်ပေါ်တွင် လိုက်ပါလာသူ စုစုပေါင်း ၁၃ ဦး မီးလောင်သေဆုံးခဲ့သည်။

ယာဉ်တိုက်မှုဖြစ်ပွားပြီးနောက် မီးလောင်သွားသော တောင်ပြာတန်းခရီးသည်တင်ယာဉ် (ဓာတ်ပုံ− yeyintnge.com)
7Day Daily

Read More

ရင်သားတွဲ ကျခြင်းကို ကာကွယ်နိုင်သော နည်းလမ်းများ

ပြည့်ဖြိုး တင်းရင်းတဲ့ ရင်သားအလှကို ပိုင်ဆိုင်လိုတာ မိန်းကလေးတိုင်းရဲ့ ဆန္ဒဖြစ်ပါ လိမ့်မယ်။ မိန်းကလေး တစ်ယောက်ရဲ့ အလှတရားကို ထင်ရှား ပေါ်လွင်စေပြီး ဆွဲဆောင်မှု ရှိစေတဲ့ အရာတွေထဲမှာ ရင်သားက မရှိမဖြစ်ပါ။

သင့်ကောက်ကြောင်းလေး အထင်သား ပေါ်လွင်စေဖို့ ရင်သားကလည်း ပံ့ပိုးပေးပါတယ်။ ဒါပေမဲ့ တစ်ချိန်မှာ ဒီအလှတရား ဆုံးရှုံးသွားမှာကို သင်စိုးရိမ် နေပါသလား။ အဆီတွေ၊ ဂလင်းတွေ၊ တွယ်ဆက် တစ်သျှူးတွေနဲ့ ဖွဲ့စည်းထားတဲ့ သင့်ရင်သားဟာ တစ်သျှူးတွေ လျော့ရဲ လာတဲ့အခါ၊ တစ်သျှူးရဲ့ ကျုံ့နိုင်ဆန့်နိုင်တဲ့ စွမ်းအား လျော့နည်း လာတဲ့အခါ မျိုးတွေမှာ တွဲကျလာ တတ်ပါတယ်။

မိန်းကလေး အများစုက ရင်သား တွဲကျလာတာကို မလိုလား ကြသလို သင်တို့ရဲ့ အမျိုးသား အဖော်ကလည်း နှစ်သက်မှာ မဟုတ်ပါဘူး။ ရင်သား တွဲကျတာကို နို့သီးခေါင်းရဲ့ အနေအထားပေါ် မူတည်ပြီး ခွဲခြား နိုင်ပါတယ်။ နို့သီးခေါင်းက ပုံမှန် အနေအထားထက် အနည်းငယ် နိမ့်ကျနေပါက ရင်သား တွဲကျတာ သိပ်မဆိုးပါဘူး။ တကယ်လို့ နို့သီးခေါင်းတွေက ပုံမှန် အနေ အထားထက် အလွန်အမင်း နိမ့်ကျပြီး အောက်ဘက်ကို စိုက်နေရင်တော့ ရင်သား တွဲကျတာ ဆိုးနေပါပြီ။

ရင်သား တွဲကျစေသော အကြောင်းအရာများ

၁။ ကိုယ်အလေးချိန် ကျဆင်းခြင်း

ကိုယ်အလေးချိန် ကျဆင်းတာက ရင်သား တွဲကျတာကို ဖြစ်စေတဲ့ အဓိက အကြောင်းရင်းပါ။ ခန္ဓာကိုယ် အလေးချိန် တိုးလာတဲ့အခါ အရေပြားကို ကျယ်ပြန့်အောင် ဆန့်ထားတာကြောင့် တင်းတင်းရင်းရင်း ဖြစ်စေပါတယ်။ ရုတ်တရက် ကိုယ်အလေးချိန် လျော့သွားတဲ့အခါ ခန္ဓာကိုယ် တစ်ခုလုံးက အရေပြားတွေ လျော့တွဲလာသလို သင့်ရင်သားတွေလည်း လျော့တွဲလာ စေပါတယ်။

၂။ ကမ္ဘာမြေကြီး ဆွဲငင်အား

ကမ္ဘာမြေကြီး ဆွဲငင်အားက သင့်ရင်သားကို တွဲကျစေတယ်ဆိုလို့ မအံ့သြ လိုက်ပါနဲ့။ ဒါက အမှန်တကယ်ပါပဲ။ ကမ္ဘာမြေကြီး ဆွဲငင်အားက အရာ အားလုံးကို ဆွဲထားသလို သင့်ရင်သား ကိုလည်း ဆွဲတာကြောင့် တွဲကျ စေတာပါ။ ရင်သား တစ်သျှူးတွေကို လျော့ရဲစေသလို ရင်သားမှာ အရေး ကြောင်းတွေကိုပါ ဖြစ်ပေါ်စေပါတယ်။

၃။ မီးယပ်သွေးဆုံးခြင်း

အမျိုးသမီးတွေ သွေးဆုံးချိန်မှာ အီစထရိုဂျင် လို့ခေါ်တဲ့ မဟော်မုန်းဓာတ် လျော့နည်း သွားပါတယ်။ အဲဒီအချိန်မှာ ရင်သားကို တင်းရင်း ပြည့်ဖြိုးစေတဲ့ ကော်လာဂျင်တွေ လျော့နည်း သွားပြီး သင့်ရင်သားကို လျော့တွဲလာ စေပါ တယ်။

၎။ လျော့ရဲသော ဘရာစီယာ ဝတ်ဆင်ခြင်း

အမျိုးသမီးတွေ အတွက် အရေးကြီးဆုံးက ဘရာစီယာကို ရင်သား အရွယ် အစား အလိုက် သင့်တော်တဲ့ ပုံစံအနေအထား ဝတ်ဆင်ဖို့ပါ။ ဘာကြောင့်လဲ ဆိုတော့ ဘရာစီယာ ပုံစံမှန်မှန် မဝတ်ဆင်တာက သင့်ရင်သားကို တွဲကျ စေတာကြောင့်ပါ။

ဘယ်လို ကာကွယ်ရမလဲ -

၁။ အစားထိုးခြင်း၊ ခွဲစိတ်ခြင်း

ရင်သားပိုမို ပြည့်ဖြိုးစေဖို့နဲ့ တင်းတင်းရင်းရင်း ရှိစေဖို့ ရင်သား အစားထိုး ခြင်းနဲ့ ရင်သား ခွဲစိတ်ပြုပြင်ခြင်းတွေ ပြုလုပ်လို့ ရပါတယ်။ ရင်သား တွဲကျ နေသူ တစ်ယောက်အနေနဲ့ ရင်သား အစားထိုးခြင်းနဲ့ ရင်သား ခွဲစိတ်ပြုပြင် ခြင်းတွေ လုပ်တာက တွဲကျနေတဲ့ ရင်သားကို အပြည့်အဝ မပြုပြင်နိုင်ပါဘူး။ ဘာကြောင့်လဲဆိုတော့ ပြုပြင်တာဟာ ရင်သား ပြည့်တင်း လာပေမယ့် နို့သီး ခေါင်းကတော့ အောက်ဆိုက်နေ နိုင်ပါတယ်။

၂။ အရွယ်အစားနဲ့ ကိုက်ညီသော ဘရာစီယာ ဝတ်ဆင်ပါ

ရင်သား အရွယ်အစားနဲ့ ကိုက်ညီပြီး သင့်တော်တဲ့ ဘရာစီယာအရွယ်အစားကို ရွေးချယ် ဝယ်ယူကာ ၀တ်ဆင်ပါ။ ကိုယ်ဝန်ဆောင်ချိန်နဲ့ နို့တိုက်ကျွေးချိန် တွေက ရင်သား တွဲကျနိုင်တာ ကြောင့် သင့်တော်တဲ့ ဘရာစီယာ ဝတ်ဆင် ပေးဖို့ ပိုမို အရေးကြီးပါတယ်။

၃။ သဘာဝကရတဲ့ ဆေး

ဒါတွေကို အသုံးပြုတာဟာ အန္တရာယ် အကင်းဆုံး၊ ငွေကုန်ကြေးကျ အသက် သာဆုံးနဲ့ ခွဲစိတ်စရာ မလိုတဲ့ နည်းလမ်း တစ်ခုပါ။ သဘာဝကရတဲ့ အရာ တွေနဲ့ ဖော်စပ် ထုတ်လုပ်ထားတဲ့ လိမ်းဆေး၊ ဖျန်းဆေးတွေ အသုံးပြုပြီး သင့်ရင်သား အလှကို ပြုပြင်နိုင်ပါတယ်။ အသင့်တော်ဆုံး နည်းလမ်းဖြစ် ပါတယ်။

၎။ နှိပ်နှယ်ပေးခြင်း

သင့်ရင်သားကို နှိပ်နယ်ပေးတာက ဆိုးကျိုး အန္တရာယ် တစ်စုံတစ်ရာ မပေးဘဲ သင့်ရင်သား တွဲကျတာကို ကာကွယ်ပေး နိုင်ပါတယ်။ နှိပ်နယ် ပေးတဲ့ အခါ ရင်သားအတွက် သီးသန့် ထုတ်လုပ်ထားတဲ့ အဆီနဲ့ လိမ်းဆေး တွေကို အသုံးပြုပြီး နှိပ်နယ်ပေးပါ။

Credit - ရိုးရာလေး

 

Read More

Photoshop နဲ့ပြုပြင်ထားတဲ့ သူမရဲ့ကိုယ်တုံးလုံးပုံတွေကို ဖျက်ပစ်ဖို့ နှောင့်နှေးခဲ့တဲ့အတွက် Facebook ကိုတရားစွဲတဲ့ အမျိုးသမီး

Meryem Ali ဆိုတဲ့အမျိုးသမီးဟာ သူမရဲ့မိတ်ဆွေဟောင်းကတင်ခဲ့တဲ့ Photoshop နဲ့ပြုပြင်ခံထားရတဲ့ သူမရဲ့ဝတ်လစ်စလစ်ပုံကို ဖျက်ပစ်ဖို့ ပျက်ကွက်ခဲ့တဲ့အတွက် Facebook ဆီကနေ လျော်ကြေး အမေရိကန်ဒေါ်လာ ၁၂၃ သန်းရရှိဖို့ တရားစွဲနေပါပြီ။ အဲဒီ့တရားစွဲဆိုမှုမှာ အဲဒီ့မိတ်ဆွေဖြစ်သူ Adeel Shah Khan က Ali ရဲ့ နာမည်ကိုသုံးကာ account အတူတစ်ခုဖွင့်ခဲ့ပြီး ဝတ်လစ်စလစ်ပုံ အတုဖြစ်အောင် photoshop နဲ့ပြုပြင်ထားတဲ့ သူမရဲ့ ဓာတ်ပုံတွေကို တင်ခဲ့တယ်လို့ဆိုပါတယ်။

Ali က facebook ဟာသူမရဲ့ပုံတွေအတွက် အကြိမ်းပေါင်းများစွာ အကြောင်းကြားခဲ့ပေမယ့်လည်း မြန်သင့်သလောက် မြန်မြန်မဖျက်ခဲ့ဘူးလို့ ခံစားရတာဖြစ်ပါတယ်။ ပြီးတော့သူမ တရားစွဲဆိုရတဲ့ ဒေါ်လာ ၁၂၃ သန်းဆိုတာ ဂဏန်းအစဉ်အတိုင်း ရေးထားလို့ဆိုတဲ့ အကြောင်းပြချက် မဟုတ်ပါဘူး။ ဒါဟာ ဒီပုံတွေကို တွေ့သွားနိုင်ခဲ့တဲ့ Facebook အသုံးပြုသူပေါင်း ၁.၂၃ ဘီလီယံ တစ်ယောက်ချင်းစီရဲ့ ၁၀ ရာခိုင်နှုန်း ဖြစ်တာကြောင့်ပါ။ အထူးသဖြင့် Ali ရဲ့ကိုယ်ရေးကိုယ်တာကို ထိခိုက်ခံနေရချိန်းမှာ Facebook က သူမရဲ့စောဒကတက်မှုတွေကို အရေးတယူမလုပ်ခဲ့တာကြောင့် ဒီကိစ္စက အလွန်အရေးကြီးတဲ့ကိစ္စတစ်ခုဖြစ်တယ်လို့ Ali ရဲ့ရှေ့နေကယုံကြည်နေပါတယ်။
Trend Myanmar

Like

Read More

ပါလက်စတိုင်း လွတ်မြောက်ရေး ထောက်ခံအားပေးတဲ့ Post ကိုတင်ပြီးနောက် အသက်အန္တရာယ် ခြိမ်းခြောက်မှုတွေ ကြုံတွေ့နေရတဲ့ One Direction အဆိုတော် Zayn Malik

ဒီအရှေ့အလယ်ပိုင်းဒေသကပြိုင်ဆိုင်မှုနဲ့ပါတ်သတ်ပြီး သူ့ရဲ့မှတ်ချက်ပေးမှုတွေအပြီးမှာ One Direction ရဲ့ Zayan Malik တစ်ယောက် အငြင်းပွားမှုများစွာကိုဖြစ်စေပြီး ဒါဟာတစ်ကမ္ဘာလုံးကြားသိခဲ့ရတဲ့ tweet တစ်ခုဖြစ်ခဲ့ပါတယ်။

ပါလက်စတိုင်းအပေါ်သူ့ရဲ့ထောက်ခံမှုကိုပြတဲ့အနေနဲ့ Malik ဟာ ‘‪#‎FreePalestine‬ဆိုတဲ့သတင်းစကားကို သူ့ရဲ့ ၁၃ သန်းကျော်သော Twitter ပရိတ်သတ်တွေထံကို tweet လုပ်ခဲ့ပါတယ်။ Malik ရဲ့ဖခင် Yaser Malic ကဗြိတိသျှ-ပါကစ္စတန်နီ ဖြစ်ပြီး မိခင် Patricia ကဗြိတိသျှလူမျိုးဖြစ်တဲ့အတွက် သူဟာအရှေ့အလယ်ပိုင်းသွေးရောသူတစ်ဦးဖြစ်ပါတယ်။ ပါလက်စတိုင်း ၁၀၀၀ ယောက်နဲ့၊ အစ္စရေးလ် ၅၉ ယောက်ကို သေဆုံးစေခဲ့တဲ့ ဂါဇာဒေသကို အစ္စရေးလ်ရဲ့ အင်ပြည့်အားပြည့် ထိုးစစ်ဆင်မှုကြောင့် Malik ရဲ့ post ကပိုပြီးအခြေအနေဆိုးတဲ့ကာလနဲ့ကြုံတွေ့ခဲ့ရဖွယ်ရှိပါတယ်။

ဒီသတင်းစကားက One Driection ပရိတ်သတ်တွေကြား အထူးသဖြင့် အစ္စရေးလ်မှာအခြေစိုက်သူတွေကြားမှာ ဒေါသထွက်မှုတွေဖြစ်စေခဲ့ပါတယ်။ အချို့သောသူတွေက အဆိုတော်ကို ‘ကိုယ့်ကိုကိုယ်သတ်သေလိုက်’ နဲ့အခြားတစ်ယောက်က ‘မင်းကိုငါသတ်မယ်’ စတဲ့ဒေါသထွက်နေတဲ့ သတင်းစကားတွေနဲ့ ရမ်းရမ်းကားကား သတင်းစကားတွေနဲ့ tweet ပြန်လုပ်ခဲ့ပါတယ်။

Mailk ရဲ့သတင်းစကားကို retweet ပြန်လုပ်ခဲ့မှုပေါင်း ၂၂၀၀၀၀ ကြိမ်ကျော်ခဲ့ပြီး ဆက်လက်လည်းတိုးပွားနေပါတယ်။
Trend Myanmar

Like

Read More

ဆံပင်၊ အသားအရေနဲ့ လက်သည်း အလှအပကြိုက်သူတွေ စားသုံးသင့်တဲ့ အစားအစာများ

အလှပြင်ပစ္စည်းတွေ တစ်မျိုးပြီးတစ်မျိုး ပြောင်းသုံးနေတာ ငြီးငွေ့နေပြီလား။ ခန္ဓာကိုယ် အလှအပအတွက် ဆေးတွေ သင့်အတွက် အကျိုးသက်ရောက်မှု မဖြစ်စေတော့ဘူးဆိုရင် စိတ်မပူပါနဲ့။ လတ်ဆတ်တဲ့ သဘာဝအစားအစာတွေက သင့်အရေပြားနှင့် ဆံကေသာတွေကို အကောင်းဆုံးဖြစ်အောင် ဖန်တီးပေးပါလိမ့်မယ်။ အလှအပအတွက် အလွယ်ဆုံး နှင့် အထိရောက်ဆုံး နည်းလမ်းတွေကို အောက်မှာ ဖတ်ရှုလေ့လာကြည့်ပါ။

(၁) စတော်ဘယ်ရီသီး

စတော်ဘယ်ရီသီးက သွားတွေကို အရောင်စွန်းခြင်းကနေ ကာကွယ်ပေးပါတယ်။ အဆီပြန်ခြင်းကို ထိန်းချုပ်ပေးတဲ့အပြင်ချွေးပေါက်တွေကို ကျဉ်းစေပြီး သွားတွေပေါ်ကပ်နေတဲ့ ဂျီးတွေကို ဖယ်ထုတ်ပေးပါတယ်။ အန္တရာယ်ဖြစ်စေတဲ့ ဘက်တီးရီးယားတွေကို ဖယ်ရှားပေးမယ့် vitamin- C အသင့်အသင့်လည်း ပါဝင်နေပါတယ်။

(၂) ဂွာနာစေ့

ဂွာနာစေ့တွေမှာ ဘီ-ဗီတာမင် ၊ ဖော့လစ်အက်စစ်နှင့် ဘိုင်အိုတင်းတွေ ပါဝင်တာကြောင့် ဆံပင်နဲ့ အရေပြားကို ချောမွေ့စေပါတယ်။ ၎င်းမှာပါဝင်တဲ့ ဗီတာမင်နဲ့ ပရိုတင်းဓာတ်ကြောင့် ဆံပင်သားကို နက်မှောင် စိုစွတ်စေပြီး မွေးညင်းပေါက်တွေကို အာဟာရဓာတ်ရစေတာကြောင့် ဆံပင်ကြီးထွားမှုနှုန်း မြန်ဆန်စေပါတယ်။ နောက်ပြီး ၎င်းမှာပါဝင်တဲ့ ဗီတာမင် အီးက ခန္ဓာကိုယ် ရဲ့အဆီထွက်နှုန်းကို မျှခြေဖြစ်အောင် ထိန်းပေးပါတယ်။

(၃) ငရုတ်ကောင်း

ငရုတ်ကောင်းမှာ တောက်ပတဲ့ ဆံကေသာနှင့် လန်းဆန်းကျစ်လစ်တဲ့ အရေပြားဖြစ်စေဖို့ ဗီတာမင်စီ အလုံအလောက်ပါဝင်ပါတယ်။ ၎င်းဗီတာမင်စီက ဦးခေါင်းအရေပြားဆီ အောက်ဆီဂျင် သယ်ဖို့ပေးရာမှာ သွေးကြောဆီလ်တွေကို ကူညီပေးပါတယ်။

(၄) မှို

မှိုတွေမှာ အသားအရေ ပိုမိုသန့်ရှင်းတောက်ပြောင်စေတဲ့ ဘီ-ဗီတာမင်၊ သံဓာတ်၊ ပိုတက်စီယမ် နှင့် ဆယ်လီနမ်တွေပါဝင်ပါတယ်။ အရေပြားပျက်စီးခြင်းကို ကာကွယ်ဖို့နဲ့ ကျန်းမာရေးအတွက် ကောင်းမွန်တဲ့ အင်တီအောက်ဆီဒင်း ပါဝင်ပါတယ်။

(၅) ကော်ဖီထုပ်( Kale)

ကော်ဖီထုပ်မှာ ဗီတာမင်စီ အလွန်ကြွယ်ဝစွာပါဝင်ပါတယ်။ မိန်းကလေးတစ်ယောက်ရဲ့ နေ့စဉ်စားသောက်တဲ့ အစားအစာရဲ့ ၈၀.၄မီလီဂရမ်ထောက်ပံ့ပေးပါတယ်။ ဆီလ်ကြီးထွားမှုနှင့် ဆံပင်၊ အသားအရေလှပခြင်းအတွက် အထောက်အကူဖြစ်စေတဲ့ ဗီတာမင်အေလည်း ပါဝင်ပါတယ်။

(၆) သံလွင်ဆီ

ဆံကေသာကို သန်မာထက်တောက်ပြောင်နူးညံ့ပျော့ပျောင်းစေပါတယ်။ ခန္ဓာကိုယ်ကို ပိန်ချုံးစေတဲ့ DTH ဟော်မုန်းထုတ်လုပ်မှုကို ကာကွယ်ပေးသည့် အပြင် အပူဒဏ်ကြောင့် ဖြစ်တဲ့ ပျက်စီးမှုကိုလျော့ချပေးတဲ့ အင်တီအောက်ဆီဒင်းလည်း ပါဝင်ပါသေးတယ်။

(ရ) ဂရိ ဒိန်ချဉ်

ဂရိ ဒိန်ချဉ် (၆-၈) အောင်စမှာ သာမန်ဒိန်ချဉ်ရဲ့ နှစ်ဆနဲ့ညီမျှတဲ့ ပရိုတင်းဓာတ် ၂၀ ဂရမ်ပါဝင်တယ်။

(၈) အယ်လ်မွန်

Almonds မှာ ဆဲလ်ပျက်စီးမှုကို ကာကွယ်ပေးတဲ့ ဗီတာမင်-အီး ပါဝင်တယ်။ ဟော်မုန်းအလွန်အကျွံထုတ်လုပ်မှုကို တားဆီးပေးတာကြောင့် ဆံပင်သားသေးသွယ်စေဖို့ ကောင်းမွန်တဲ့ မက်နီဆီယမ်လည်းပါဝင်ပါတယ်။

Like

Read More

အော်ရီဒူးဖုန်းလိုင်းများ သြဂုတ် ၁၅ ရက်မတိုင်ခင် Error များရှိနိုင်

အော်ရီဒူးဖုန်းလိုင်းများသည် လက်ရှိအချိန်၌ ဈေးကွက်အတွင်း ကြိုတင်ရောင်းချမှုများရှိနေသော်လည်း အမှန်တကယ်ရောင်းချမည့် နေ့ရက်မှာ သြဂုတ်လ ၁၅ ရက်နေ့ ဖြစ်သည့်အတွက် အဆိုပါနေ့ရက်မတိုင်ခင် အသုံးပြုသူများသည် Error များနှင့် ကြုံတွေ့နိုင်ကြောင်း ကြေညာထားရှိသည်။
အော်ရီဒူး၏ Call Center နံပါတ်သည် ၂၃၄ ဖြစ်ပြီး အသုံးမှု အခက်အခဲများနှင့် ကြုံတွေ့ရပါက အဆိုပါနံပါတ်ဆီသို့ ဆက်သွယ်စုံစမ်းနိုင်ကြောင်း သိရသည်။ အော်ရီဒူးဖုန်းလိုင်းများသည် ၃ လအတွင်း သုံးစွဲခြင်းမရှိပါက လိုင်းပိတ်သိမ်းခံရမည်ဖြစ်ပြီး ဆင်းမ်ကတ်များကို မှတ်ပုံတင်မိတ္တူပါရှိမှသာ ရောင်းချ သည်ဟုသိရသည်။ လက်ရှိကြိုတင်ရောင်းချပေးနေသည့် အော်ရီဒူး မိုဘိုင်းဆင်းမ်ကတ်များသည် သတ်မှတ်ထားသည့် ၁၅ ရက်နေ့မတိုင်ခင် ဖေ့စ်ဘုတ်အင်တာနက်စာမျက်နှာကို အခမဲ့အသုံးပြုခွင့် ရရှိမည်ဖြစ်သည့်အပြင် အမျိုးအစားတူ ဆင်းမ်ကတ်များအချင်းချင်း မိနစ် ၉၀၀ အခမဲ့ဖုန်းလိုင်းခေါ်ဆိုခြင်းနှင့် စာတိုစနစ် အစောင် ၉၀၀ ပေးပို့ခွင့်တို့ပါရှိသည်။
သြဂုတ်လ ၁၅ ရက်နေ့အထိ အင်တာနက်စနစ်ကို 20MB အခမဲ့ အသုံးပြုခွင့်ရရှိမည်ဖြစ်သော်လည်း ကန့်သတ်ရက် ကျော်လွန်ပါက 1MB လျှင် ၂၅ ကျပ်ကျသင့်မည်ဖြစ်ကြောင်း အော်ရီဒူးအရောင်း ကိုယ်စားလှယ်များက ပြောဆိုထားသည်။ အဆိုပါ အင်တာနက်ဈေးနှုန်းသည် အသုံးပြုသူများအတွက် များပြားသည့်နှုန်းထားဖြစ်သည်ဟုလည်း အင်တာနက်အသုံးပြုသူများ က ဝေဖန်ထားသည်။ မြန်မာ့ဆက်သွယ်ရေးအနေဖြင့် ဒေတာစနစ်ကူးပြောင်း၍ အင်တာနက်အသုံးပြုခကောက်ခံမည်ဟု ကြေညာခဲ့သောဈေးနှုန်းသည် ယခုကဲ့သို့များပြားခြင်းမရှိခဲ့ကြောင်း အင်တာနက်အသုံးပြုသူများက ဝေဖန် ထောက်ပြခဲ့သည်။

အော်ရီဒူးသည် ၎င်းတို့၏ဖုန်းလိုင်းများအချင်းချင်း ခေါ်ဆိုမှုကို ၂၅ ကျပ်အဖြစ် သတ် မှတ်ပေးခဲ့သော်လည်း မြန်မာ့ဆက်သွယ်ရေးဖုန်းလိုင်းများဆီသို့ ခေါ်ဆိုပါက ၃၅ ကျပ် သတ်မှတ်ခဲ့သည်။ စာတိုပို့စနစ်၌လည်း အော်ရီဒူးသည် မြန်မာ့ဆက်သွယ်ရေး ကောက်ခံသည့်နှုန်းထားများအတိုင်း စာတိုတစ်စောင်လျှင် ၂၅ ကျပ်သာ ပြန်လည်သတ်မှတ်ပေးခဲ့သည်။ ထူးခြားမှုအနေဖြင့် အော်ရီဒူးသည် ၎င်းတို့မိုဘိုင်းဖုန်းအသုံးပြုသူများအတွက် ငွေဖြည့်ကတ်များကို ၁ ထောင်ကျပ်မှစတင်၍ ၂ သောင်းကျပ်အထိ ၀ယ်ယူအသုံးပြုနိုင်ရန် စီစဉ်ထားသည်ဟု သိရသည်။

Internet Journal

Read More

သာသနာရေးဝန်ကြီးဟောင်း ဦးဆန်းဆင့် ကျန်းမာရေး စောင့်ရှောက်မှု အထူးလိုအပ်နေဟုဆို

နေပြည်တော်၊ မဇ္ဈိမ။ ။ နေပြည်တော်၊ ဒက္ခိဏခရိုင်တရားရုံးတွင် ပုဒ်မ ၄၀၉/၁၀၉၊ ပုဒ်မ ၁၂၄(က) တို့ဖြင့် တရားရင်ဆိုင်နေရသော သာသနာရေးဝန်ကြီးဟောင်း ဦးဆန်းဆင့်အား နေ့လည်ထမင်းစားချိန်သာ အနားယူပြီး နံနက် ၉ နာရီ၊ မိနစ် ၅ဝ ခန့်မှ ညနေ ၃နာရီခွဲခန့်အထိ ခြောက်နာရီခန့် စစ်ဆေးခဲ့သည်။

30jl19

ထိုသို့စစ်ဆေးပြီးချိန်တွင် သာသနာရေးဝန်ကြီးဟောင်းက ကျန်းမာရေးအခြေအနေ ပိုမိုခံစားလာရခြင်းကြောင့် ဆေး(ကျန်းမာရေး) အာမခံ လျှောက်ထားကြောင်း သိရသည်။

ဦးဆန်းဆင့်နှင့် ဆွေမျိုးတော်စပ်သူ ဦးအောင်ဌေးက “သူ(ဦးဆန်းဆင့်)က အရင်ကတည်းက နှလုံးရောဂါ၊ ကျီးပေါင်းရောဂါနဲ့ မျက်စိရောဂါ ကုနေရတာလေ၊ အထူးကုဆရာဝန်တွေနဲ့ ကုပေးပါမယ်၊ လောလောဆယ်တော့ အာမခံလေးတော့ ခဏသည်းခံပါတဲ့” ဟု မီဒီယာများသို့ ပြောသည်။

မိသားစုဆွေမျိုးများနှင့် ထပ်မံတွေဆုံခွင့်ပေးခဲ့သော်လည်း မီဒီယာများကိုမူ တရားရုံးဝင်းအတွင်း ဝင်ခွင့်ရရန် ကင်မရာ၊ အသံဖမ်းစက်၊ လက်ကိုင်ဖုန်းများ ယူဆောင်ခွင့် မပြုခဲ့သည့်အပြင် တရားခွင်မှထွက်လာသော ဦးဆန်းဆင့်အား မီဒီယာသမားတို့ မေးမြန်းမှုမပြုမီ လိုက်ပါစောင့်ရှောက်သော တာဝန်ရှိပုဂ္ဂိုလ်များက “ဘာမှပြောစရာမရှိဘူး” ဟု နှစ်ဦး၊ သုံးဦးခန့်က ဝိုင်းဝန်း ပြောဆိုခဲ့သေးသည်။

သို့ရာတွင် ဦးဆန်းဆင့်က အစောင့်အရှောက်များကြားမှ မိသားစုများအား “နေကောင်းအောင်နေကြ” ဟု စကားတစ်ခွန်းသာပြောကြားခဲ့သည်။

ပုဗ္ပသီရိမြို့နယ် တရားရုံး၌ ဒုတိယအကြိမ်ရုံးထုတ်စဉ်ကမူ “သမ္မတ အမိန့်ကို မနာခံဘူးဆိုတဲ့ သဘောနဲ့လုပ်တာဖြစ်ပါတယ်၊ မတရားမှုပြုတာပါ” ဟု မီဒီယာများသို့ ပြောသည်။

ထို့အပြင် ဦးအောင်ဌေးက “ ကောင်းကောင်းမွန်မွန်ပါပဲ၊ လုပ်ထုံးလုပ်နည်းအတိုင်းပဲ ဆက်သွားမယ်၊ တရားသူကြီးတွေဘာတွေ အားလုံးကူညီကြပါတယ်၊ နောက်ရုံးချိန်းကတော့ သြဂုတ်လ ၆ ရက်နေ့မှာပါ” ဟု မဇ္ဈိမကို ပြောသည်။

ဦးဆန်းဆင့်အား အာမခံပေး၍မရသည့် ယုံကြည်အပ်နှံရေးဖောက်ဖျက်မှု ပုဒ်မ ၄ဝ၉/ ၁ဝ၉ ဖြင့် အထူးစုံစမ်းစစ်ဆေးရေး ဦးစီးဌာနက တရားလိုအဖြစ် တရားစွဲဆိုထားပြီး ဇွန်လ ၁၉ရက်က ဖမ်းဆီးခဲ့သည်။

၎င်းကို ပြစ်မှု ထင်ရှားပါက ထောင်ဒဏ်တစ်သက်တစ်ကျွန်း ချနိုင်သည့် အကြည်အညို ပျက်စေမှု ပြစ်မှုဆိုင်ရာ ဥပဒေပုဒ်မ ၁၂၄(က)ပါ ဇူလိုင်လ ၂ဝ ရက်က ထပ်တိုးခဲ့သည်။

mizzima

Read More

အမျိုးသမီး တစ်ဦးမှ (၂၄) ကြိမ်တွင် သားသမီး ၂၆ ဦး မွေးဖွားခဲ့

ရန်ကုန်တိုင်း ဒေသကြီး ပုဇွန်တောင်မြို့နယ် သီတာဆိပ် မှတ်တိုင်အနီး ပြည်တော်သစ် အိမ်ရာ တိုက်အမှတ်(၂)၊ အခန်း (၁၈)နေ ဒေါ်ခင်သူဇာသည် မွေးဖွားသည့် အကြိမ်ရေ (၂၄)ကြိမ်တွင် ကလေး ၂၆ဦးအား ထူးခြား စွာ မွေးဖွား ခဲ့ကြောင်း သိရသည်။

သူမအနေဖြင့် ဦးမြင့်ဝေနှင့် အိမ်ထောင်ကျပြီး ၃၁နှစ်အတွင်း သားသမီး ၂၆ဦးအား မွေးဖွားခဲ့ခြင်း ဖြစ်သည်။ ''၁၉၇၆ ခုနှစ်ကနေ ၁၉၉၉ ခုနှစ်အထိ အကြိမ်(၂ဝ) မြောက်ကို ကလေး ၂ဝဦး မွေးဖွား ခဲ့ပါတယ်။ နောက်ထပ် ၂ဝ၁၃ခုနှစ်အထိ (၄)ကြိမ်မှာ နှစ်မြွှာ ပူးနှစ်ခါ၊ တစ်ဦးချင်း နှစ်ခါ မွေးခဲ့ပါတယ်''ဟု ဒေါ်ခင်သူဇာက ပြောပြ သည်။

''မွေးဖွားခဲ့တဲ့ (၂၄)ကြိမ်မှာ သား ၁၄ဦး၊ သမီး ၁၂ဦး မွေးဖွား ခဲ့ပါတယ်။ အကြီးဆုံး သားကြီးက ၃၈နှစ်ရှိပြီး အငယ်ဆုံးသားက ၁၂ နှစ်ရှိနေပါပြီ။ အန်တီက တစ်နှစ်ကို ၁ယောက်နှုန်းနဲ့ မွေးဖြစ် ခဲ့တာပါ။ သူတို့ အသက် ရှစ်နှစ် ကိုးနှစ် ရောက်ပြီးမှ ဆုံးသွား ခဲ့တာလည်း ရှိပါတယ်။ အခုဆိုရင် ယောက်ျားလေး ငါးဦး၊ မိန်းကလေး ရှစ်ဦးပဲ ရှိတော့တယ်။ ဆရာဝန်တွေ၊ အိုဂျီတွေ အပြင်ဆေးရုံ တွေကိုလည်း အမျိုးမျိုးပြောင်း ပြီး မွေးခဲ့ ရတာ တွေလည်းရှိပါတယ်'' ဟု ဒေါ်ခင်သူဇာက ပြောကြားသည်။

''အန်တီ့ ယောက်ျား ဦးမြင့်ဝေက ပို့ဆောင်ရေး ဝန်ကြီးဌာနက ဝန်ထမ်း အငြိမ်းစားဖြစ်တာက တစ်ကြောင်း၊ ကလေးတွေက အများကြီး ဖြစ်နေတာက တစ်ကြောင်း၊ သူတို့နဲ့ နေရေး၊ စားရေး၊ ကျောင်းတက်တဲ့ ကိစ္စတွေမှာလည်း အခက်အခဲတွေကတော့ ရှိပါတယ်။ သားသမီး၂၆ဦးမှာ အန်တီတို့ အဘိုးကြီး အဘွားကြီးတွေကို လေးဦး ငါးဦးပဲ လုပ်ကြွေး ရင်တောင်မှ ကျေနပ်ပါတယ်''ဟု ပြောကြားခဲ့သည်။

အဆိုပါ ကလေး ၂၆ဦး မွေးဖွားခဲ့သည့် ဒေါ်ခင်သူဇာတို့ မိသားစုတွင် ဆုံးပါးသွားသည့် သားသမီးများ မပါ လက်ရှိ သားသမီး ၁၃ဦးအပြင် မြေး ၁၇ဦး၊ မြစ်တစ်ဦး ရရှိနေ ပြီ ဖြစ်သည်။ ဒေါ်ခင်သူဇာမှာ အသက် ၅၇နှစ် ရှိပြီး ယောက်ျားဖြစ်သူ ဦးမြင့်ဝေမှာ ၆၄နှစ် ရှိကြောင်း သိရသည်။

ထိုမိသားစုအား ဆရာတော် ရှင်ဆန္ဒာဓိက (ရွှေပါရမီ တောရ)က မိဘ ကျေးဇူးကို ဂုဏ်ပြုသည့်အနေဖြင့် နှစ်အလိုက် အလှူဒါနများ ပြုလုပ်ပေးခြင်း၊ ဆရာတော်၏ ဒါယကာ၊ ဒါယိကာမ များမှ အလှူငွေများ ပေး အပ်ထောက် ပံ့ခြင်း တို့ကို ဆောင်ရွက် ပေးလျက် ရှိကြောင်း ဒေါ်ခင်သူဇာ၏ ပြောကြားချက် အရ သိရသည်။

မောင်မျိုး (ဧရာဝတီ)

Like

Read More

ဦးရဲထွဋ်နှင့် ဒေါက်တာ သန်းအောင် ပြည်ထောင်စုဝန်ကြီးများ ဖြစ်လာမည်

လိုအပ်သည့် ကစားကွက်နှင့် ခြေစွမ်းမရရှိ၍ လူအပြောင်းအလဲလုပ်ခဲ့ခြင်းဟု ဦးရဲထွဋ်ဆို

နေပြည်တော်- သဘောဆန္ဒအလျောက်ဟု ရာထူးမှနှုတ်ထွက်ခွင့်ပြုလိုက်သည့် ပြန်ကြားရေးဝန်ကြီးနှင့် ကျန်းမာရေးဝန်ကြီးတို့ နေရာတွင် ဒုတိယ၀န်ကြီးများဖြစ်ကြသော ဦးရဲထွဋ်နှင့် ဒေါက်တာသန်းအောင်တို့ကို ခန့်အပ်ရန် နိုင်ငံတော်သမ္မတက ပြည်ထောင်စုလွှတ်တော်သို့ သ၀ဏ်ပေးပို့လိုက်ပြီဖြစ်ကြောင်း သတင်းရရှိသည်။

ပြည်ထောင်စုသမ္မတ မြန်မာနိုင်ငံတော်၊ ဖွဲ့စည်းပုံအခြေခံဥပဒေ ပုဒ်မ ၂၃၅၊ ပုဒ်မခွဲ (ခ) နှင့် ပြည်ထောင်စု အစိုးရအဖွဲ့ ဥပဒေပုဒ်မ ၆၈၊ ပုဒ်မခွဲ (က)တို့ပါ ပြဋ္ဌာန်းချက်များအရ၊ ပြန်ကြားရေးဝန်ကြီးဌာန ပြည်ထောင်စုဝန်ကြီးဦးအောင်ကြည်နှင့် ကျန်းမာရေးဝန်ကြီးဌာန ပြည်ထောင်စုဝန်ကြီး ဒေါက်တာဖေသက်ခင်တို့ကို ၎င်းတို့၏ သဘောဆန္ဒအလျောက် ရာထူးမှ နှုတ်ထွက်ခွင့်ပြုလိုက်ကြောင်းကို သမ္မတရုံးက (အမိန့်အမှတ်၊ ၁၇/ ၂၀၁၄) ဇူလိုင်လ ၂၉ ရက်စွဲဖြင့် ထုတ်ပြန်ခဲ့သည်။

အဆိုပါ ပြည်ထောင်စုဝန်ကြီးရာထူးနေရာနှစ်ခုတွင် ပြန်ကြားရေးဝန်ကြီးဌာန ဒုတိယ၀န်ကြီးဦးရဲထွဋ်နှင့် ကျန်းမာရေးဝန်ကြီးဌာနဒုတိယ၀န်ကြီး ဒေါက်တာသန်းအောင်တို့ တက်လာမည်ဖြစ်သည်။

၎င်းတို့နှစ်ဦးလုံးကမူ သမ္မတထံမှ အမိန့်ညွှန်ကြားချက်မရရှိသေးဟု ပြောကြားသည်။
“ကျွန်တော် ဒုဝန်ကြီးအဖြစ်နဲ့ အလုပ်တွေလုပ်ကိုင်နေပါတယ်။ မနေ့ကမှ နေပြည်တော်ပြန် ရောက်တာပါ။ အခု ခေတ္တပြည်ထောင်စုဝန်ကြီးတာဝန် ဘယ်သူယူမလဲဆိုတာ ကျွန်တော်တို့ ညွှန်ကြားချက်တွေ စောင့်တုန်းရှိပါသေးတယ်” ဟု ဦးရဲထွဋ်ကပြောကြားသည်။

ထို့ပြင်ဒေါက်တာသန်းအောင်ကလည်း ၄င်းအား ပြည်ထောင်စုဝန်ကြီးအဖြစ် ခန့်အပ်ရန် အမိန့်တစ်စုံ တစ်ရာမရရှိကြောင်းနှင့်လက်ရှိတွင် နေပြည်တော်ရှိ ဒုဝန်ကြီးရုံးခန်းတွင်သာ ပုံမှန်လုပ်ကိုင်နေကြောင်းပြောကြားသည်။

“ကျွန်တော့်ကို ၀န်ကြီးတာဝန်တွေ လွှဲပြောင်းတာလည်းမရှိသေးပါဘူး။ အခုထိ ကိုယ့်ပုံမှန်လုပ်ငန်းပဲ ကိုယ်လုပ်နေတာပါ။ ကျွန်တော်ဆို ၀န်ကြီး အငြိမ်းစားယူသွားတာကို အလုပ်နဲ့ခရီးသွားနေတာကနေ ပြန်လာ တော့မှ ရုတ်တရက်ကြီးသိရတာပါ။ ကိုယ့်လုပ်ဖော်ကိုင်ဖက်အဖြစ် စိတ်မကောင်းပါဘူး” ဟု ၎င်းကပြောသည်။

၎င်းတို့နှစ်ဦး ပြည်ထောင်စုဝန်ကြီးများအဖြစ် နာမည်ထွက်နေခြင်းအပေါ် သမ္မတရုံးအကြီးတန်းအရာရှိက မှန်းဆချက်များဖြစ်ပြီး တရားဝင်အမိန့်တစ်စုံတစ်ရာ ထုတ်ပြန်ရန်ရှိမရှိကိုမူ တိတိကျကျမပြောနိုင်သေးဟု ပြောကြားသည်။

သမ္မတ၏ တတိယအဆင့် ပြုပြင်ပြောင်းလဲရေးလုပ်ငန်းများ အရှိန်မြင့်လုပ်ဆောင်ရန် အစိုးရသက်တမ်းတစ်နှစ်ခွဲသာလိုတော့ချိန်တွင် အစိုးရအဖွဲ့သွားနေသည့် လုပ်ငန်းစဉ်ပေါ်မူတည်ပြီး လိုအပ်၍ အပြောင်းအလဲလုပ်ခြင်းဖြစ်ကြောင်း သမ္မတ၏ပြောရေးဆိုခွင့်ရှိသူဦးရဲထွဋ်ကပြောသည်။ ထို့ပြင် ယခုဝန်ကြီး နှစ်ပါးမှာ အဂတိလိုက်စားမှုနှင့်လုံးဝမပတ်သက်ပဲ ဘောလုံးပွဲစကားနှင့်ဆိုရလျှင် လိုအပ်သည့် ကစားကွက်နှင့်ခြေစွမ်းမရရှိ၍ လူအပြောင်း အလဲလုပ်ခဲ့ခြင်းဖြစ်ကြောင်း ၄င်းကဆိုသည်။

7daydaily

Read More

ရန်ကုန်နှင့်ရေထဲပင်လယ်မြို့တော်

ဒီနေ့မိုးက တော်တော်ကြီးကြီးကိုသည်းသည်းမည်းမည်းရွာပါတယ် ။ မိုးရွာတာနဲ့ ရန်ကုန်မြို့ထဲကကားလမ်းတွေပိတ်တာ ရန်ကုန်ရဲ့မြို့လယ်ခေါင်တချို့နေရာတွေမှာ ရေတက်လာတာဟာ ကျွန်တော်တို့အတွက် မြို့ပြဖက်ရှင်တစ်ခုလိုဖြစ်နေပြီလားတောင်မသိတော့ပါဘူး ။

မိုးရွာတာနဲ့ကားလမ်းပိတ်ဆို့တာဆိုင်သလား ?

အဲဒီမေးခွန်းက တကယ့်ကိုအူကြောင်တောင်နိုင်တဲ့မေးခွန်းပါ ။ မြို့ထဲကို ဆင်ခြေဖုံးရပ်ကွက်တွေကနေ နေ့စဉ် ဘတ်စ်ကားတိုးစီးသည်ဖြစ်စေ တက်စီ စီးသည်ဖြစ်စေ ရုံးတက်ရုံးဆင်းလုပ်နေရတဲ့လူတွေအဖို့ မိုးဆက်တိုက်မရွာပါစေနဲ့ဘုရားလို့ ဆုတောင်းနေရတယ် ။ ဘာလို့လည်းဆိုတော့ မိုးရွာတာနဲ့ ကားလမ်းတွေပိတ်ကုန်ပြီး ရုံးကို အချိန်မှီမရောက်တဲ့အခါ အလုပ်ရဲ့ထုံးစံအတိုင်း ဒါဏ်ကြေးဆောင်ရတာတွေ ပိုက်ဆံအဖြတ်ခံရတာတွေဖြစ်ကုန်ကြရော ။ ဘယ် အလုပ်ကမှလည်း ရာသီဥတုအခြေအနေ ဆိုးရွားနေပါသဖြင့် ယနေ့တစ်ရက်အား နောက်ကျခွင့်ပြုသည်လို့ မရှိတဲ့အတွက် ၀န်ထမ်းတွေအားလုံးက မိုးပဲရွာရွာ နှင်းပဲကျကျ အချိန်မှီအောင် သွားဖို့ တာဝန်ရှိလာသလိုပါပဲ ။

ကျွန်တော် တွေးမိသလောက်စဉ်းစားရရင်တော့ မိုးရွာရင် တချို့နေရာတွေမှာ မီးပျက်သွားတယ် ။ ( ဒါကလည်း လျှပ်စစ်အန္တရာယ် စိုးရိမ်လို့ အစိုးရက စေတနာနဲ့ဖြတ်ပေးတာဖြစ်မှာပါ  ) မီးပျက်တော့မီးပွိုင့်တွေအလုပ်မလုပ်တော့ဘူး ။ ဒီတော့ ကားတွေက ပွိုင့်တွေမှာ သူ့ထက်ငါ သူတလူငါတမင်းနဲ့ နင်လည်းအလျော့မပေး ငါလည်းအလျော့မပေးစိတ်ဓါတ်နဲ့ အလုအယက် တိုးကြတဲ့အခါ လမ်းတွေပိတ်ဆို့ခြင်းဖြစ်နိုင်ပါတယ် ။ နောက်တစ်ချက်က လိုင်းကားတွေ ကား၂ စီးမနည်းရှောင်ရတဲ့နေရာမှာ လိုင်းကားတွေအနေနဲ့ ခရီးသည်အတင်အချ အကြာကြီးပြုလုပ်တာ လူစောင့်တင်တဲ့အခါမှာ လမ်းကိုပိတ်ပြီးရပ်ထားသလိုဖြစ်တဲ့အတွက် နောက်ကကားတွေ ဟွန်းဘယ်လောက်တီးတီး ကားတွေ ကျပ်ကုန်ပါတယ် ။

ဒီ မြို့ပြရဲ့ Traffic ပြဿနာကို အစိုးရအနေနဲ့ အခုထိ ထိထိရောက်ရောက်တာဝန်ယူဖြေရှင်းပေးခြင်းမရှိသေးပါဘူး ။ ကျွန်တော့်အမြင်ပြောရရင်တော့

၁ ။ လိုင်းကားတွေ Park လုပ်ပြီး ခရီးသည်အတင်အချလုပ်ဖို့အတွက် မှတ်တိုင်တိုင်းမှာ လိုင်းကား ကြီး ၃ စီးစာလောက်စီရပ်လို့ရမယ့် နေရာလေးတွေလုပ်ပေးထားရမယ် ။ အဲဒီနေရာတွေကို တက်စီတွေ မ၀င်ရဘူး ။ အိမ်စီးကားတွေမ၀င်ရဘူး လိုင်းကားသီးသန့်ဖြစ်ရမယ် ။

၂ ။ မီးပွိုင့်စနစ်ကိုတစ်မြို့လုံးအတိုင်းအတာနေနဲ့ လိုတိုးပိုလျော့တွေ ပြန်လုပ်ရမယ် ။ ( တချို့နေရာတွေမှာ မလိုအပ်ပဲ ကားများတဲ့နေရာကို မီးနီအကြာကြီးပေးထားပြီး ကားသိပ်မသွားတဲ့ဖက်ကို မီးစိမ်း အကြာကြီးပေးထားခြင်းဟာ Traffic ကို ပိုဆိုးစေတယ်လို့မြင်ပါတယ် ) ။ မိုးတွေရွာ ရေတွေကြီးလို့ ကားလမ်းပိတ်တာကလည်းအကြောင်းရင်းတစ်ရပ်ဖြစ်ပါတယ် ။

၃ ။ ကားလမ်းစနစ်ကိုလည်း လိုင်းကားသီးသန့်လိုင်းတွေ အမြန်ဆုံးဖော်ဆောင်စေချင်ပါတယ် ။ လိုင်းကားသွားတဲ့လမ်းပေါ် တက်စီနဲ့ အိမ်စီးကားတွေ တက်လာရင် ဒါဏ်ကြေးရိုက်တာလုပ်ရမယ် ။ လိုင်းကား လမ်းဖြစ်တဲ့ ညာဖက်အစွန်ဆုံးလမ်းမှာ လိုင်းကားတွေချည်းသီးသန့်သွားစေချင်ပါတယ် ။ လမ်းဆုံတွေမှာ ညာဖက်ချိုးချင်တဲ့ ကားကလွဲလို့ ဘယ်ကားမှ အဲဒီလမ်းပေါ် မတက်လာရင်အကောင်းဆုံးပါပဲ ။ လိုင်းကားတွေကလည်း အပေါ် ၂ ကြောကိုတက်မလာနဲ့ ဘယ်အစွန်ဆုံး က အမြန်မောင်းတဲ့ကားတွေ သွား အလယ်က ပုံမှန်မောင်းတဲ့ကားတွေသွား ဒါဆို အဆင်ပြေသွားလောက်မယ် ။ ( မီးသတ်ကား ရဲကားနဲ့ ဆေးရုံလူနာတင်ကားများသည် ခြွင်းချက် ဖြစ်ရမယ် )

၎ ။ လမ်းပေါ်က ဈေးသည်တွေ ကို ကားလမ်းတစ်ကြောစာလောက်နေရာယူထားမှုတွေဖြေရှင်းရမယ် ။ အဲဒီလိုဖြေရှင်းရာမှာလည်း အခု ၀ုန်းဝုန်းနဲ့ဝင်ဖမ်း ဒါဏ်ရိုက်နောက်ထပ် တစ်ပတ်လောက်ကြာတဲ့အခါ ဒုံရင်းကဒုံရင်းဆိုတာကလည်းနည်းလမ်းမဟုတ်သေးဘူး ။ တကယ်ဆိုရင် ဈေးသည်တွေအနေနဲ့ ပလက်ဖောင်းတွေ နောက်မှာပဲရှိသင့်ပါတယ် ။ ဒါကလည်းထည့်သွင်းစဉ်းစားရမယ့်အချက်ပါ ။

၅ ။ တချို့သော ကားအရမ်းပိတ်တဲ့ နေရာတွေ အချိန်တိုင်း ပိတ်လေ့ရှိတဲ့လမ်းကြောတွေကို လမ်းအသုံးပြုခွင့်နဲ့ ဥပမာ ကျောင်းလွှတ်ချိန်လိုမျိုးမှာ ဘယ်အချိန်ကနေ ဘယ်အချိန်ထိ ဒီလမ်းကြောကိုသွားရင် ပိုက်ဆံ ဘယ်လောက် ဖြတ်မယ်ဆိုတာမျိုးကို လုပ်ဆောင်ကြည့်စေချင်ပါတယ် ။ အဲ့ဒီစနစ်အကောင်အထည်ဖော်ဖို့ဆိုရင် မီးပွိုင့်တိုင်တွေကနေ ပိုက်ဆံဖြတ်တဲ့ scanner နဲ့ ကား dashboard ပေါ်က စက်ကို လှမ်းဖတ်ပြီးဖြတ်တဲ့စနစ်မျိုးကို သဘောကျပါတယ် ။ တစ်နိုင်ငံလုံးကကားတွေမှာ အဲဒီလို စနစ် တပ်ဆင်လိုက်ရင်သိပ်ကောင်းမှာပါ ။ အခုတော့ ရှိတဲ့အထင်ကရ CCTV ပွိုင့်တွေကလည်းတကယ်အလုပ်မလုပ်မသိပါဘူး ။ ဘယ်လို စနစ်ဖြစ်ဖြစ် အစိုးရအနေနဲ့အကောင်အထည်ဖော်ရင်သိပ်ခက်ခဲတဲ့ကိစ္စမဟုတ်ပါဘူး ။ နေပြည်တော်လို နေရာကိုတောင် အထင်ကရမြို့ကြီးဖြစ်အောင် ၀ုန်းကနဲပြောင်းလဲခဲ့နိုင်တဲ့အစွမ်းရှိခဲ့တာပဲလေ ။

ရန်ကုန်မြို့ဟာ ရေထဲပင်လယ်မြို့တော်လား ?

ဟုတ်ပ အဲဒီလိုမေးရမလိုတောင်ဖြစ်နေပြီ ။ စဉ်းစားကြည့်လိုက် မိုးလေးနည်းနည်းရွာလိုက်တာနဲ့ ရေတွေတင်နေပြီ ရေတင်တော့ ကားတွေ ဆက်မတိုးနိုင်တော့ဘူး အဆိုးဆုံး အခု နောက်ပိုင်း အဆင့်မြှင့်တင်ထားတဲ့ ဝေဇယန္တာလို လမ်းမျိုးတောင် ၁၂ နာရီဆက်တိုက်လောက်မိုးရွာတာနဲ့ကားလမ်းတစ်ဝက်လောက်ရေတွေ တက်ကုန်ရော ။ ဒီတော့ ဘာကြောင့်မိုးရွာတာနဲ့ရေတက်တာလဲ ကြားဖူးတာတော့ ဘန်ကောက်ထက်တောင် ပင်လယ်ရေမျက်နှာပြင်က ပိုမြင့်တယ်ဆို ဒါဆို ဘာလို့ရေတက်တာလဲ ကျွန်တော်စဉ်းစားမိရသလောက်ကတော့ ။

၁ ။ ရေဆိုး မြောင်းတွေ ရေစီးမြောင်းတွေ ပိတ်ဆို့ခြင်း ကြောင့် ရေတွေ မစီးနိုင်ပဲ လမ်းပေါ်လျှံတက်လာရခြင်း

၂ ။ လူတွေရဲ့စည်းကမ်းမဲ့အမှိုက်တွေကို နေရာတကာပစ်တဲ့အကျင့်ကြောင့် ရေသွားမဲ့လမ်းတွေမှာ အမှိုက်တွေ ပိတ်ဆို့ခြင်း ( စည်ပင်ကတာဝန်ရှိတယ်ဆိုတာမှန်ပါတယ် အဲ့ဒီလိုပဲ လက်သရမ်းပြီး ဟို ပစ်ဒီပစ်လုပ်တဲ့လူတွေမှာလည်းတာဝန်ရှိပါတယ် တချို့ဆို လိုင်းကားပေါ်ကနေ ကွမ်းတံတွေးပစ်ကနဲထွေးလိုက်တာများ သူပိုင်တဲ့လမ်းများမှတ်နေလားမသိ အောက်က လမ်းလျှောက်နေတဲ့လူတွေကို လူလို့တောင်မြင်ရဲ့လားမသိ ရိုင်းချက်က ကမ်းကုန်ပဲ )

၃ ။ မြစ်ထဲသွားမယ့် ချောင်းတွေ မြောင်းတွေမှာ နှုံးပမာဏ မြင့်တက်လာမှုကြောင့် မြစ်ထဲကို ရေထုပမာဏ သိပ်မရောက်တဲ့အခါ လူနေရပ်ကွက်နဲ့မြို့ထဲမှာ ရေတက်လာရခြင်း

ထားပါတော့ ကျွန်တော်လည်း ဥာဏ်မှီသလောက်စဉ်းစားကြည့်တာပါ ။

တကယ်စေတနာရှိရင် တကယ်လုပ် အဟုတ် ဖြစ်မြောက်ပါတယ် ။ ကောင်းမွန်သစ်လွင်တဲ့ အစိုးရသစ်ဖြစ်ချင်ရင် ဂျာနယ်လစ်တွေကို ဖမ်းဆီးထောင်ချယုံ သာလုပ်တတ်ပြီးလူထုကောင်းစားရေးအတွက် အခြေခံ သွားလာရေးစနစ် အခြေခံလူနေမှုဘ၀ လိုအပ်ချက်တွေကို ဖြည့်ဆည်းပေးဖို့လည်းလိုအပ်ပါသေးတယ် ။

( ဒါတောင် MPT အကြောင်းရေးချင်သေးတာ ဘယ့်နှယ့် သူများတွေ တစ်မိနစ် ၂၅ ကျပ်နဲ့ပေးတော့မယ့်ဟာ သူတို့က လူသုံးယောက်ကိုခေါ်ဆိုခ တစ်လပဲ ၂၅ ကျပ်နဲ့ အဲ့ဒီအတွက် ၀န်ဆောင်ခလည်း ၂၅၀၀ ဖြတ်မယ်ဆိုတော့ကာ အော် .. ဆူးလေမသွားနဲ့ ခိုတွေနင်းလိမ့်မယ်လို့ပဲ ပြောချင်ပါတော့တယ် )

သက်တန့်ချို
31st July 2014

Photo : The Voice Weekly

Like

Read More

တိုင်းရင်းသားတို့ ကံကြမ္မာကို ဆုံးဖြတ်ပေးမည့် အချိန်ဟု ကေအိုင်အို ဒု-ဥက္ကဋ္ဌ သုံးသပ်

တိုင်းရင်းသားတို့၏ ကံကြမ္မာကို အဆုံးအဖြတ်ပေးမည့် အချိန်ရောက်နေပြီဖြစ်သဖြင့် တိုင်းရင်းသားခေါင်းဆောင်တို့ ပေါ့ဆ၍မရဟု ကေအိုင်အိုဥက္ကဋ္ဌ ဗိုလ်ချုပ်ကြီး အင်ဘန်လက ပြောဆိုလိုက်သည်။

“ကျွန်တော်တို့ ပေါ့ဆလို့ တစ်ချက်မှားတာနဲ့ တစ်သက်ပြန်ခံရမှာဖြစ်တယ်”ဟု ဇူလိုင် ၃၀ က ပြုလုပ်သည့် တိုင်းရင်းသား လက်နက်ကိုင်တော်လှန်ရေးအဖွဲ့အစည်းများ၏ ထိပ်သီးခေါင်းဆောင်များအစည်းအဝေးတွင် ပြောဆိုလိုက်ခြင်းဖြစ်သည်။

တိုင်းရင်းသားအဖွဲ့အစည်းတို့က နှစ်ပေါင်း ခြောက်ဆယ်ကျော် တိုက်ပွဲဝင်ခဲ့သော်လည်း ဘာမှပြောခွင့်မရခဲ့ဘဲ လက်ရှိအချိန်သည် ရလဒ်ကောင်းတစ်ခုဟု ဗိုလ်ချုပ်ကြီး အင်ဘန်လက ပြောသည်။

သို့သော် ဒီလိုအချိန်အခါမျိုးမှာ ကျွန်တော်တို့ တောင်းဆိုသင့်တောင်းဆိုထိုက်တဲ့ အခွင့်အရေးတွေကို ပြည့်ပြည့်၀၀ တောင်းဆိုတတ်ဖို့လည်း လိုပါတယ်”ဟု ၎င်းက ဆိုသည်။၂၀၁၁ခုနှစ် ဦးသိန်းစိန်အစိုးရတက်လာပြီးနောက်ပိုင်း ငြိမ်းချမ်းရေးဖြစ်စဉ်များ လုပ်ဆောင်ရန် တိုင်းရင်းသားများကို ဖိတ်ခေါ်ခဲ့သည်။

နောက်ဆက်တွဲအဖြစ် တိုင်းရင်းသား ၁၆ ဖွဲ့ဖြင့် ဖွဲ့စည်းထားသော နိုင်ငံလုံးဆိုင်ရာ အပစ်အခတ်ရပ်စဲရေး ညှိနှိုင်းရေးအဖွဲ့ NCCT နှင့် အစိုးရ၏ ပြည်ထောင်စုငြိမ်းချမ်းရေး ဖော်ဆောင်ရေး လုပ်ငန်းကော်မတီ UPWC တို့ ပူးပေါင်းရေးဆွဲထားသည့် တစ်နိုင်ငံလုံးအပစ်ခတ် ရပ်စဲရေးဆိုင်ရာသဘောတူစာချုပ် ဒုတိယမူကြမ်းတစ်ရပ် ပေါ်ထွက်လာခဲ့သည်။

ထိပ်သီးအစည်းအဝေးမှာ တိုင်းပြည်တစ်ခုလုံးနှင့်ဆိုင်သည့် ကိစ္စများဆွေးနွေးပွဲဖြစ်သည့်အတွက် “မှားယွင်းတဲ့ ဆုံးဖြတ်ချက်တွေ၊ လွဲချော်တဲ့ ဆုံးဖြတ်ချက်တွေ မဖြစ်ဖို့အတွက် သတိပေးခြင်းလို့ပဲ ယူဆပါတယ်”ဟု မြန်မာနိုင်ငံလုံးဆိုင်ရာ ကျောင်းသားများဒီမိုကရက်တစ်တပ်ဦး၏ ဥက္ကဋ္ဌ ရဲဘော်သံခဲက မဇ္ဈိမကို ပြောသည်။

လက်ရှိ ကျင်းပနေသည့် တိုင်းရင်းသားခေါင်းဆောင်များ၏ ထိပ်သီးအစည်းအဝေးတွင် အဆိုပါမူကြမ်းအပေါ် အဓိကဆွေးနွေးခဲ့ကြခြင်းဖြစ်ပြီး သဘောတူဆုံးဖြတ်ချက် ဆယ်ချက်ချမှတ်ထားသည်။ တရုတ်-မြန်မာနယ်စပ် ကချင်လွတ်မြောက်ရေးတပ်မတော် (KIA)ဌာနချုပ်ရှိရာ လိုင်ဇာမြို့တွင်ဇူလိုင်၂၅ မှ ၂၉ရက်ထိ NCCT အဖွဲ့ ၀င်ထိပ်သီးခေါင်းဆောင်များအစည်းအဝေးကို ကျင်းပပြီးဖြစ်ကာ ဇူလိုင် ၃၀ နှင့် ၃၁ တွင် တိုင်းရင်းသား လက်နက်ကိုင်တော်လှန်ရေး အဖွဲ့အစည်းများ၏ ထိပ်သီးခေါင်းဆောင်များအစည်းအဝေးကို ဆက်လက် ကျင်းပမည် ဖြစ်သည်။

ဇူလိုင် ၃၀ရက် ဆွေးနွေးမှုရလဒ်အရ တိုင်းရင်းသားတို့၏ နိုင်ငံလုံးဆိုင်ရာ အပစ်အခတ်ရပ်စဲရေး စေ့စပ် ညှိနှိုင်းရေးအဖွဲ့NCCT ကို ကြီးကြပ်မည့် ဦးဆောင်ကော်မတီတစ်ရပ်ဖွဲ့စည်းရန် ဆွေးနွေးထားပြီး ဇူလိုင် ၃၁ ရက်တွင် အပြီးသတ်ဆုံးဖြတ်ချက်ချရန် စီစဉ်ထားသည်။

‪#‎Mizzimadaily‬

Like

Read More

ခွန်းဆင့်နေခြည်က သူ့ ကို အတုလားဟုမေးတဲ့ ပရိသတ်ကို ဖေ့ဘုတ်မှာပြန်လည်ဖြေရှင်းချက်ထုတ်

ကျွန်မကို အတုလားတဲ့ ဘယ်လိုပြောရမှန်းတောင်မသိတော့ပါဘူး ကာယအလှမယ်ဆု ၈ ဆုတော့ ရခဲ့ဖူးပါတယ် မော်ဒယ်ဆု မဟုတ်ဘူးနော် ကာယအလှမယ်ဆု ကိုယ်လုံးအလှကိုပြိုင်ရတဲ့ ကာယအလှမယ်ဆု မော်ဒယ်တွေပြိုင်သလိုမျိုးပြိုင်ခဲ့ရတာမဟုတ်ဘူးနော် တစ်ကိုယ်လုံးချွတ်ပြီး အနာရွတ်တို့ အကြောပြတ်တာတို့ ရှိမရှိ ဆေးစစ်ရတယ် အဲ့ဒါ အမျိုးသမီးဆရာဝန်မ တွေစစ်တာပါ တစ်ယောက်ချင်းဆီ ဝင်စစ်ရတယ် အဲ့ဒီ့ ဆေးမှတ်အောင်ရင် ၁၀ မှတ်ရတယ် စင်ပေါ်မှာ ပြိုင်တာက လမ်းလျောက်တာရယ် ရုပ်ရည်ပြေပြစ်မှု့ရယ် ကိုယ်လုံးအနေအထားရယ် ကိုယ်ဟန်ပြတဲ့ Post ခုနှစ်မျိုး အဆင်ပြေပြစ်မှု့ရှိမရှိရယ် အသံကောင်းမကောင်းလည်း စကားပြောခိုင်းသေးတယ် အရပ်အမောင်းနဲ့ ခံနာကိုယ် အချိုးအစားလည်းဘောင်ဝင်ရမယ် အဲ့ဒါတွေအားလုံးပေါင်းပြီး ပြိုင်ပွဲဝင်အားလုံး
ထဲကမှ စကာတင် ၅ ယောက် ရွှေးတယ် ၅
ယောက်ထဲကမှ ပထမ ဒုတိယ တတိယ နဲ့
နှစ်သိမ့်ဆု ဒါတွေကိုပေးသွားတယ် ချက်ချင်း
တက်ပြိုင် ချက်ချင်းရခဲ့တာလည်း မဟုတ်ပါဘူး
နှစ်ရှည်စီမံကိန်းနဲ့ လေ့ကျင့်ခန်းတွေ အသေအလဲ
လုပ် ကိုယ့်ကိုယ်ကို ပိုးမွေးသလိုမွေးပြီး လေ့ကျင့်ခဲ့ရတာပါ တင်ပါးကြီးဖို့ ပခုံးပေါ် သံတုတ်ထမ်းပြီး ဟိုဘက်ဒီဘက် ပေါင် ၆၀ စီထည့် နှစ်ဘက်ထည့်ရတော့ ပေါင် ၁၂၀ သံဒုတ်နဲ့ပါပေါင်းလိုက်ရင် ၁၃၀ လောက်လေးတဲ့ အလေးတွေကို ပခုံးပေါ်တင်
ထမ်းပြီး ထိုင် ထ တွေ လုပ်ခဲ့ရတာ ကျွန်မဆရာ မောင်ဗမာ ဦးစိန်မောင်ကလည်း အသေအကြေကို မောင်းခဲ့တာ ဗိုက် မပူအောင် ဗယ်လ်ရီ ရိုက်ရတယ် အိပ်ထမတင် ကိုပြောတာနော် တစ်နေ့ကိုအကြိမ် ၁၂၀၀ လောက် ရိုက်ရတယ် ဗိုက်အတွက် ဗိုက်အဆီမတက်အောင်လို့လေ ခါးမတုတ်အောင်လည်း သံလုံးတွေ သံဒုတ်တွေနဲ့ ကစားနည်းပေါင်းစုံကို အသေအလဲ တစ်နေ့ ၃ နာရီ ၃ ရက်ကစားတစ်ရက်နား ဆိုတဲ့နှုန်းနဲ့ ကစား
ခဲ့ရတာပါ လွယ်လွယ်လေးနဲ့ ရခဲ့တဲ့ဆုတွေလည်း
မဟုတ်ပါဘူး အကြောင်းမသိသူများကတော့ အတုလားလို့ မေးရက်ကြတာပေါ့လေ ဒါကြောင့်
အကြောင်းသ်ိအောင်လို့ စာတွေအများကြီးရိုက်ပြီး
ရှင်းပြထားတာပါ ဒါတောင် ရှင်းပြဖို့ကျန်သေးတယ်
စာဖတ်တဲ့သူတွေ မဖတ်နိုင်မှာစိုးလို့ချုံ့ပြီးရေးထားတာ ဆုတွေရခဲ့တယ် ပြိုင်ပွဲ တွေအများကြီးပြိုင်ခဲ့ဖူးတယ် အသေအလဲ exercise တွေလုပ်ခဲ့
ရတယ် အလေးတွေနဲ့ အသေအကြေ ကစားခဲ့ရတော့ တော်ရုံအဆီမတက်လာတော့ဘူး ခုလည်း နေ့တိုင်း EXERCISE လုပ်ဖြစ်ပါတယ် Exercise လုပ်ခြင်းသည် ရုပ်ပိုင်းဆိုင်ရာ
စိတ်ပိုင်းဆိုင်ရာများကိုပြောင်းလဲစေပါသည်။
www.papawady.com

Read More

မြန်မာရွှေ့ပြောင်း မိသားစုမှ ကလေးငယ် လက်ရေးလှပြိုင်ပွဲတွင် ထိုင်းတနိုင်ငံလုံးမှာ ပထမဆုရ

- ထိုင်းဘာသာစကားနေ့အထိမ်းအမှတ်အဖြစ် ယမန်နေ့က ပြုလုပ်ခဲ့သော မူလတန်းအဆင့် ထိုင်းလက်ရေးလှ ပြိုင်ပွဲတွင် မြန်မာရွှေ့ပြောင်း လုပ်သားတစ်ဦး၏ အသက် ၁၂ နှစ်အရွယ် သားဖြစ်သူက တစ်နိုင်လုံး အဆင့် ပထမ ရခဲ့သည်ဟု သိရသည်။

ဆုရရှိသူမှာ ထိုင်းနိုင်ငံ၌ မွေးဖွားကြီးပြင်းခဲ့ပြီး Tak ပြည်နယ် ပညာရေးဇုန် ၂ ရှိ Arunmetha ကျောင်းတွင် ပညာ သင်ယူနေသော ရာဇာဆိုသူဖြစ်ပြီး Raksa Pasa Thai (ထိုင်းဘာသာစကား ထိန်းသိမ်းခြင်း) လှုပ်ရှားမှု၏ ပြိုင်ပွဲများစွာမှ တစ်ခုတွင် အနိုင် ရရှိခဲ့ခြင်းဖြစ်သည်ဟု ထိုင်းအခြေခံ ပညာရေး ကော်မရှင်ရုံး Obec ၏ အထွေထွေအတွင်းရေးမှုး Kamil Rodkhai က ပြောကြားခဲ့သည်။

အဆိုပါ ပြိုင်ပွဲများတွင် အရေး၊ အဖတ်၊ အပြော ပြိုင်ပွဲများပါဝင်ပြီး ထိုင်းဘာသာစကား၏ တန်ဖိုးမြင့်တက်လာစေရန် အသိ ပညာပေးခြင်းနှင့် ထိုင်းဘာသာ စကားအား ထိန်းသိမ်းစောင့်ရှောက်ရေး အတွက် ကလေးငယ်များအား တိုက်တွန်း အားပေးရန် ရည်ရွယ်၍ ကျင်းပပြုလုပ်ခဲ့ခြင်းဖြစ်သည်။

ဆရာမဖြစ်သူ Saeng-arun Sonsaen ကလည်း ဆုရရှိခဲ့သည့် ရာဇာအား ချီးကျူးခဲ့ပြီး ရာဇာမှာ ပညာသင်ယူရာ၌ အာရုံစူးစိုက်မှုရှိပြီး လက်ရေးလက်သားမှာလည်း အလွန်လှပသည်ဟု ပြောကြားခဲ့သည်။ ရာဇာမှာ Arunmetha ကျောင်းအား ကိုယ်စားပြုယှဉ်ပြိုင်ရန် ရွေးချယ် ခံခဲ့ရခြင်းဖြစ်သည်။

ရာဇာ၏ ဖခင်မှာ Tak ပြည်နယ် Phop Phra ခရိုင်တွင် စိုက်ပျိုးရေလုပ်ငန်း လုပ်ကိုင်နေသူဖြစ်သည်။

“ရာဇာဟာ စောစာပိုင်းတုန်းက ဒီခရိုင်မှာရှိတဲ့ ထိုင်းဘုရားကျောင်းက မြန်မာကျောင်းတစ်ခုမှာ ပညာသင်ယူခဲ့ပြီး နောက်ပိုင်းမှာ Arunmetha ကျောင်းကို ပြောင်းတက်ခဲ့တာပါ။ အဲဒီအချိန်တုန်းက သူဟာ ၁၀ နှစ်အရွယ်ရှိနေပြီး ထိုင်းဘာသာစကားကို မရေးတတ်သေးပါဘူး။ ဒီကျောင်းမှာ တက်ပြီးတဲ့နောက်မှာ သူ့ရဲ့ ထိုင်းဘာသာစကား အရည်အသွေးဟာ သိသိသာသာကို တိုးတက်လာခဲ့ပါတယ်။ သူဟာ ဆုံးဖြတ်ချက်ပြတ်သားပြီး စာသင်တဲ့အချိန်မှာလည်း အာရုံစူးစိုက်မှုရှိပါတယ်။ အထူးသဖြင့် ထိုင်းဘာသာစကားမှာပေါ့” ဟု Saeng-arun Sonsaen က ပြောကြားခဲ့သည်။

Arunmetha ကျောင်းရှိ ကျောင်သားများ၏ ၃၀ ရာခိုင်နှုန်းမှာ နယ်စပ်တွင်ရှိနေကြသည့် ဆင်းရဲသော မိသားစုများမှ ဆင်းသက်လာကြခြင်းဖြစ်ပြီး၊ အခြားသောထိုင်းကျောင်းသားများထက် ၎င်းတို့အား ထိုင်းဘာသာစကားကို ပိုမိုအလေးထား သင်ကြားပေးသည်ဟု သူမက ထပ်လောင်းပြောကြားခဲ့သည်။

ပညာရေးဇုန် ၁ ၏ ဒါရိုက်တာဖြစ်သူ Thongsuk Yoosri ကမူ မြန်မာကျောင်းသားတစ်ဦး ယခုကဲ့သို့ ဆုရရှိခဲ့သည့်အတွက် ဂုဏ်ယူမိကြောင်း၊ မည်သည့် နိုင်ငံသား၊ မည်သည့် ဘာသာ အယူဝါဒမှမဆို ၎င်းတို့၏ အလားအလာကို တိုးတက်အောင် ဆောင်ရွက်နိုင်ကြကြောင်း စသဖြင့် ပြောကြားခဲ့သည်။

Read More

၎ နာရီအပစ်ရပ်ရေး အစ္စရေးလ်ကြေညာ

 

ဂါဇာဒေသမှာ ကုလသမဂ္ဂက ဖွင့်ထားတဲ့ စာသင်ကျောင်းကို အစ္စရေးလ်က တင့်ကားတွေနဲ့ ပစ်ခတ် တိုက်ခိုက်မှုကြောင့် လူ ၁၅ ယောက် ထက်မနည်း သေဆုံးခဲ့ရပြီးတဲ့နောက် လူသားချင်းစာနာထောက်ထားတဲ့အနေနဲ့ ခဏတာ အပစ်အခတ် ရပ်စဲသွားဖို့ အစ္စရေးလ်က ပြောဆို လိုက်ပါတယ်။ ဒေသစံတော် ချိန် ဒီကနေ့ ညနေ ၃ နာရီကစပြီး ၄ နာရီကြာ အပစ်အခတ် ရပ်စဲဖို့ စီစဉ်ထားတာပါ။

ဂါဇာမြောက်ပိုင်းမှာ ပါလက်စတိုင်း ဒုက္ခသည်တွေအတွက် နေစရာအဖြစ် စီစဉ်ပေးထားတဲ့ Jebaliya ဒုက္ခသည်စခန်းထဲက စာသင်ကျောင်း အခုလို တိုက်ခိုက်ခံရတာပါ။ တိုက်ခိုက်မှုနေရာကို သွားရောက် သတင်းယူနေတဲ့ ဗွီအိုအေ သတင်းထောက် Scott Bobb ပြောပြတာမှာတော့ စာသင်ကျောင်း နံရံတွေ လုံးဝ ပျက်ဆီးသွားပြီး လူတွေလည်း မယုံနိုင်လောက်အောင် ကြောက်ရွံ့ တုန်လှုပ်နေကြတယ်လို့ ဆိုပါတယ်။

တချို့ဟာ လေကြောင်း ထိုးစစ်ဆင်မှုတွေကို ကြောက်လို့ သူတို့အိမ်ကနေ ဒီကို ပြောင်းပြီးလာနေကြတဲ့ သူတွေဖြစ်ပြီး၊ ကုလသမဂ္ဂက ဖွင့်ထားတဲ့ ကျောင်းကတော့ သူတို့အိမ်ထက် ပိုပြီး လုံခြုံမှာပဲဆိုပြီး ဒီကို လာကြတာမှာ ခုလို တိုက်ခိုက်ခံရတော့ သေမယ့်အတူတူ ကိုယ့်အိမ်ကိုယ်ပြန် သေတော့မယ်လို့ ပြောကြတယ်လို့လည်း ဆိုပါတယ်။

ဒီစာသင်ကျောင်းဟာ ပါလက်စတိုင်း ဒုက္ခသည်တွေ ခိုလှုံနိုင်အောင် ကုလသမဂ္ဂက ဖွင့်ထားပေးတဲ့ ကယ်ဆယ်ရေးစခန်း ၈၅ နေရာထဲက တခုပါ။ ပါလက်စတိုင်း ၂ သိန်းလောက် ဒီလိုနေရာတွေမှာ ခိုလုံနေကြရတယ်လို့ ကုလသမဂ္ဂက ပြောပါတယ်။ ဇူလိုင်လ ၈ ရက် တိုက်ခိုက်မှုတွေ စတင်ခဲ့ချိန်ကစလို့ ပါလက်စတိုင်း အရပ်သား အများစုပါဝင်တဲ့ လူပေါင်း ၁,၂၀၀ ကျော် သေဆုံခဲ့ရပြီး ဖြစ်တယ်လို့ ပါလက်စတိုင်း အရာရှိတွေက ပြောပါတယ်။ အစ္စရေးလ် စစ်သား ၅၃ ယောက်နဲ့ အရပ်သား ၃ ယောက်လည်း သေဆုံးခဲ့ရပြီး ဖြစ်ပါတယ်။

VOA

Like 

Read More

ခမာနီခေါင်းဆောင်တွေ မျိုးတုံးသတ်ဖြတ်မှုနဲ့ရင်ဆိုင်

ကမ္ဘောဒီးယားနိုင်ငံ ခမာနီအဖွဲ့ထဲက အသက်မသေ ကျန်နေသေးတဲ့ ၀ါအရင့်ဆုံးအဖွဲ့ဝင် နှစ်ဦးအပေါ် ဒုတိယအကြိမ် တရားစစ်ဆေးတဲ့ ကုလသမဂ္ဂ ကျောထောက်နောက်ခံပြု တရားခွင် စတင်ပြီ ဖြစ်ပါတယ်။

သမ္မတဟောင်း Khieu Samphan နဲ့ အယူအဆရေးရာ အကြီးအကဲ Nuon Chea တို့အပေါ် အစုလိုက်အပြုံလိုက် လူသတ်မှုစွဲချက်တွေနဲ့ ဖနွမ်းပင်မြို့တော်တရားရုံးမှာ ဒီကနေ့ စပြီးစစ်ဆေးတာပါ။

လူသားကို ဆန့်ကျင်ကျူးလွန်တဲ့ ရာဇ၀တ်မှုနဲ့ သူတို့နှစ်ဦးအပေါ် ကနဦး တရားစွဲခဲ့တာဟာ ပြီးခဲ့တဲ့နှစ်မှာ အဆုံးသတ်ခဲ့ပြီး လာမယ့် သြဂုတ်လ ၇ ရက်နေ့မှာ စီရင်ချက်ချမယ်လို့ သတ်မှတ်ထားပါတယ်။

ဒီကနေ့ တရားခွင်ကို Nuon Chea မလာခဲ့ဘဲ Khieu Samphan ကတော့ သူ့ရဲ့ ရှေ့နေအဖွဲ့နဲ့အတူ တရားခွင်မှာ လိုက်လံ မှတ်သားနေပြီးတော့ ကျန်းမာရေးကောင်းတဲ့ပုံ ရပါတယ်။

အခု ဒုတိယအကြိမ် တရားခွင်မှာ ကမ္ဘောဒီးယားနွယ်ဖွား ဗီယက်နမ်လူမျိုးတွေနဲ့ တိုင်းရင်းသား Cham မူဆလင်လူနည်းစု ထောင်ပေါင်းများစွာတို့ကို အစုလိုက်အပြုံလိုက် သတ်ဖြတ်ခဲ့မှုအပေါ် အထူး စစ်ဆေးမှာ ဖြစ်ပါတယ်။

ကမ္ဘောဒီးယားနိုင်ငံကို ဆိုရှယ်လစ်နိုင်ငံတခုအဖြစ် ထူထောင်ဖို့ ကြိုးစားခဲ့တဲ့ ခမာနီအစိုးရ လက်ထက်အတွင်း ကမ္ဘောဒီးယားလူမျိုး ၂ သန်းလောက်အထိ သေဆုံးခဲ့ရပါတယ်။

VOA

Like

Read More