မေး ။ နာမည်က…
ဖြေ ။ “သူရာ” သူငယ်ချင်းတွေက ယမကာလုလင်လို့ခေါ်တယ်၊ တချို့က “အရားသမက်” လို့ခေါ်တယ်။ ကျုပ်ယောက္ခမနာမည်က “အရား” လေ။
မေး ။ သြော်… တော်တော်တိုက်ဆိုင်တာပဲ။ အရားသမက်ဆိုတော့ အရက်သမားပေါ့နော်။
ဖြေ ။ အင်း… ကျုပ်ဖြင့် မတွေးမိပါဘူးဗျာ။
မေး ။ အရက်ကို ဘယ်အရွယ်ကတည်းက စသောက်ခဲ့ပါသလဲ။
ဖြေ ။ လူမှန်းသိတတ်စကတည်းက ဆိုပါတော့ဗျာ။
မေး ။ ဒါဆို ဘယ်အချိန်မှာ ကိုယ့်ကိုကိုယ် လူမှန်းသိလာပါသလဲ။
ဖြေ ။ လူမှန်းသူမှန်းမသိအောင် မူးဖူးတဲ့အချိန်မှာပါ။
မေး ။ အရက်ကို ဘယ်လိုခံယူချက်နဲ့သောက်ပါသလဲ။
ဖြေ ။ ဟာဗျာ… အရက်သမားပါဆို ခံယူချက်ရှိမလားဗျ။
မေး ။ ဒါဆို… အရက်ကို ဘာလို့သောက်လဲ။
ဖြေ ။ ကြိုက်လို့။
မေး ။ ဘာဖြစ်လို့ကြိုက်တာလဲ။
ဖြေ ။ သောက်လို့ပေါ့။
မေး ။ သြော်… ဒီပြင့်ခံယူချက်ကောရှိသေးလား။
ဖြေ ။ လာပြန်ပြီ… ခံယူချက်၊ ဒီမှာ… အရက်ဆိုတာ လူတွေထွင်ခဲ့တာမဟုတ်လား၊ အဲဒီလို ထွင်ခဲ့တဲ့သူတွေကို အားနာလို့သောက်တာကလည်း တစ်ကဏ္ဍပါတယ်။
မေး ။ ဒါနဲ့ ရှေ့ကဖန်ခွက်ထဲက အခုသောက်နေတာက ဘာလဲခင်ဗျာ။
ဖြေ ။ ၀ီစကီလို့ခေါ်တယ်။
မေး ။ သူ့အကြောင်း နည်းနည်းရှင်းပြနိုင်မလား။
ဖြေ ။ မူလစထွင်ခဲ့တဲ့နိုင်ငံက စကော့တလန်၊ ဒါကြောင့်လည်း စကော့ခ်ျ ၀ီစကီလို့ခေါ်ကြတာပေါ့။
မေး ။ “၀ီစကီ” ရဲ့ အဓိပ္ပာယ်က…။
ဖြေ ။ အင်း… သိသလောက်ပြောရရင်၊ ရှေးဗြိတိန်စကားလို့ထင်တာပဲ။ အဓိပ္ပာယ်က “Water of Life ၊ ဇီဝရေစင်” တဲ့။မေး ။ စိတ်ဝင်စားစရာပဲနော်၊ ဒါနဲ့ အရက်သောက်ရင် ကံငါးပါးစလုံး ကျိုးနိုင်တယ်ဆိုတာဟုတ်သလား။
ဖြေ ။ ဟာဗျာ… အရက်သောက် အမူးလွန်လို့ ကျန်တဲ့ကံလေးပါးတော့လုံတယ်ဆိုတာပဲ ကြားဖူးပါတယ်ဗျ။
မေး ။ ဟုတ်လား။ နည်းနည်းလောက် ပိုရှင်းပြနိုင်မလား။
ဖြေ ။ ဒီလိုလေဗျာ။ “သူတစ်ပါးအသက်သတ်ခြင်း” တဲ့။ သူတစ်ပါးအသက် သတ်ဖို့မပြောနဲ့၊ ကိုယ်တောင် မလဲအောင် ဓာတ်တိုင်ဖက်နေရတာဗျ။
မေး ။ ဟုတ်တာပဲ။
ဖြေ ။ “သူတစ်ပါးပစ္စည်းခိုးခြင်း” တဲ့။ သူတစ်ပါးဟာ ခိုးဖို့မပြောနဲ့ဗျာ၊ ကိုယ့်အိတ်ထဲက ပိုက်ဆံ ဘယ်သူနှိုက်သွားတယ်တောင် မသိပါဘူးဗျာ။
မေး ။ ဟုတ်ကဲ့၊ ဆက်ပါဦး။
ဖြေ ။ “သူတစ်ပါး သားမယား ပြစ်မှားခြင်း” တဲ့။ ကြားဖူးမှာပေါ့ ရုပ်ရှင်တွေမှာ “ကိုယ် ညက လူမှန်းသူမှန်းမသိလို့ ဖြစ်သွားတာပါတဲ့”၊ ဘယ်နှယ့်ဗျာ။ သူ့သွားထိဖို့မပြောနဲ့ ကိုယ့်ကိုယ်ကိုယ်တောင် အနိုင်နိုင်ဗျ။ ခပ်ရိုင်းရိုင်းပြောရရင် ကိုယ့်ဖင်ထဲ ကြွက်ဝင်သွားတာတောင် သိတာမဟုတ်ဘူး။
မေး ။ သြော်… ဟုတ်လား၊
ဖြေ ။ “မမှန်သောစကားကို ပြောခြင်း” ဘယ့်နှယ်ဗျာ၊ “အရက်မူးကျွဲခိုးပေါ်” ဆိုတဲ့စကားတောင်ရှိသေး။ ပြီးတော့ လိမ်လည်ဖို့နေနေသာသာ လျှာတွေလေးနေလို့ စကားကိုတောင် မနည်းပြီအောင်ပြောနေရတာ။
မေး ။ ဟုတ်ကဲ့၊ ဒါဆို အရက်သမားတွေကို သက်သက်သိက္ခာချတာပေါ့နော်။ ပြီးတော့ အရက်သောက်ရင် စိတ်ကူးစိတ်သန်းတွေ ထွက်တယ်ဆိုတာကိုကော…။
ဖြေ ။ အကြွင်းမရှိ ထောက်ခံပါတယ်။ ဒီအကြောင်းနဲ့ပတ်သက်ပြီး စာချိုးလေးတောင်ရှိသေးတယ်။
မေး ။ ဟုတ်လား၊ ပြောပြပါဦး။
ဖြေ ။ “မူးလျှင်အိပ်ပျော် စိတ်ကူးပေါ်၊ နိုးလျှင်ပြန်သောက် အကြံပေါက်” တဲ့။
မေး ။ ကောင်းတယ်ဗျာ၊ “ရေအသက်တစ်မနက်၊ ထမင်းအသက် ခုနှစ်ရက်” ဆိုတာ ကြားဖူးမယ်ထင်တယ်။ အရက်ရဲ့အသက်ကကော…။
ဖြေ ။ အင်း… ဒါတော့ ကျုပ်သေချာမသိဘူး၊ အဲ တစ်ခုတော့ကြားဖူးတယ် “အသီးမှာသရက်၊ အသားမှာဝက်၊ အရွက်မှာ လက်ဖက်၊ အသောက်မှာ အရက်” တဲ့။
မေး ။ ဟုတ်ကဲ့၊ ဒါဆို အရက်မှာ ဘယ်လိုအရသာမျိုးရှိပါသလဲ။
ဖြေ ။ ဘယ်အရက်ကိုပြောတာလဲဗျာ၊
မေး ။ အခုခင်ဗျားသောက်နေတဲ့ ၀ီစကီဆိုပါတော့…။
ဖြေ ။ သိချင်ရင်သောက်ကြည့်လိုက်တာ အကောင်းဆုံးပါ၊ အရက်ကို ခံစားတဲ့နေရာမှာ မသောက်ဖူးတဲ့သူရဲ့ ခံစားချက်နဲ့၊ သောက်နေကျသူရဲ့ ခံစားချက်က 100 % ကွာခြားပါလိမ့်မယ်။
မေး ။ Percentage ဆိုလို့ 100% Volume ပါတဲ့အရက်ကိုကော သောက်ဖူးပါသလား။
ဖြေ ။ အဲဒါမျိုး မကြားဖူးသေးဘူးဗျ၊ ဒါပေမယ့် ကျုပ် ရှေ့မှာပြောခဲ့သလိုပေါ့၊ ထွင်တဲ့သူရှိရင်တော့ သောက်ကြည့်ရမှာပါပဲဗျ။
မေး ။ ဟုတ်ပါပြီဗျာ၊ အရက်သောက်ဖို့အတွက် အခြေအနေနဲ့ အချိန်အခါဆိုတာ ရှိပါသလား။
ဖြေ ။ လူတကာနဲ့နှိုင်းပြီးပြောရရင်တော့ မရှိဘူးဗျ။ အရက်အတွက် အချိန်နဲ့ နေရာကန့်သတ်ချက်ဆိုတာ မရှိဘူး။ တချို့က ပျော်လို့သောက်တယ်၊ တချို့က စိတ်ညစ်လို့သောက်တယ်။ တချို့က အသဲကွဲလို့သောက်တယ်၊ တချို့က မင်္ဂလာပွဲမှာသောက်တယ်။
မေး ။ အရက်သောက်ရင် ပင်ပန်းနွမ်းနယ်မှုတွေပျောက်တယ်ဆိုတာကိုကော…။
ဖြေ ။ ပျောက်ပါတယ်၊ အခန့်မသင့်ရင် အသက်ပါ ပျောက်နိုင်ပါတယ်။
မေး ။ အရက်နဲ့ အရောင်အဆင်းကကော ဘယ်လိုပတ်သက်မယ်ထင်လဲ။
ဖြေ ။ ရေကအရောင်မရှိပါဘူး။ အဲ… အရက်ကတော့ အရောင်စုံပဲ။ အရောင်မရှိတာတောင် ရှိသေး။ ရေနဲ့ကွာခြားချက်ကတော့ အရက်ကပေးနိုင်တာ “ရီဝေယစ်မူးစေခြင်း” ပေါ့။
မေး ။ စကားမစပ်၊ အရက်နဲ့ မိန်းမကကော…
ဖြေ ။ အများကြီးကွာခြားတယ်ဗျ။ အင်း…
မေး ။ ဟုတ်လား၊ ပိုရှင်းပြနိုင်မလား။
ဖြေ ။ ဥပမာဗျာ၊ ခင်ဗျားညမှာ သောက်နေတဲ့အရက် ဆက်မသောက်နိုင်ရင် သွန်ပစ်လိုက်လို့ရတယ်၊ စားပွဲပေါ်မှာ ဒီအတိုင်းထားပစ်ခဲ့လို့ရတယ်။ သောက်ချင်ရင် အချိန်မရွေးပြန်ထသောက်လိုက်။ ခင်ဗျား မိန်းမကျတော့ အဲလို… အဲ… ခပ်ရှင်းရှင်းပြောရရင် အရက်က သစ္စာရှိတယ်ပေါ့ဗျာ။
မေး ။ အဲ… ဟုတ်ကဲ့။
ဖြေ ။ ပြီးတော့ ခင်ဗျားသောက်လက်စ ၀ီစကီပုလင်း၊ မကုန်ရင် နောက်နေ့ဆက်သောက်၊ အရသာက ထူးမခြားနား။ ခင်ဗျားမိန်းမကျတော့ မျက်နှာက ဒီနေ့ပြုံးချင်ပြုံးနေမယ်၊ နောက်ရက်ကျတော့ ဆူပုတ်ချင်ပုတ်နေမယ်။ မူးလို့တောင် ရှူစရာမရှိဘူးဆိုတာ မိန်းမတွေကိုပြောတာနေမှာ။
မေး ။ ဟုတ်ကဲ့၊
ဖြေ ။ ရှိသေးတယ်နော်၊ ခင်ဗျားဒေါသထွက်ရင် အရက်ပုလင်းကို နံရံနဲ့စောင့်ပြီး ရိုက်ခွဲပစ်လို့ရတယ်။ အဲခင်ဗျားမိန်မကိုတော့…။
မေး ။ ဟုတ်ကဲ့ ကျွန်တော် သဘောပေါက်ပါပြီ၊ ဒါနဲ့… အရက်နာကျဖူးမယ်လို့ထင်ပါတယ်၊ အရက်နာကျရင် ဘယ်လိုခံစားရပါသလဲ။
ဖြေ ။ ကိုယ်ချစ်လို့၊ ကြိုက်လို့ယူလိုက်တဲ့မိန်းမလိုပဲ သည်းညည်းတော့ ခံရမှာပေါ့ဗျာ။ အဲလိုပဲ ရန်ဖြစ်လိုက် ပြန်ချစ်လိုက်ပေါ့။
မေး ။ ဟုတ်ကဲ့ အခုလို ဂရုတစိုက်ဖြေကြားပေးတဲ့ “ကိုသူရာ” ကို အထူးပဲ ကျေးဇူးတင်ပါတယ်။ အားလုံးအတွက် အရက်နဲ့ပတ်သက်ပြီး မှတ်မှတ်ရရ စကားတစ်ခွန်းလောက် ပြောပေးပါလို့…။
ဖြေ ။ အင်း… “သောက်ရင်မူးမယ်၊ မူးရင်သောက်မယ်” ဗျာ။