Friday, June 14, 2013

တည်သီးကပေးတဲ့ ကျန်းမာရေး အကျိုးကျေးဇူးများ


ရောင်ရမ်းမှု လျော့ကျစေပါတယ်

တည်သီးမှာ ကက်တီချင်နဲ့ ဂယ်လိုကက်တီချင်တို့လို ကျန်းမာရေးအကျိုးပြု အင်တီအောက်ဆီးဒင့်တွေ ပါဝင်တဲ့အပြင် အကျိတ်ပြေပျောက်စေတဲ့ ဘီတူလင်းနစ် အက်စစ်လည်း ပါဝင်ပါတယ်။ ကက်တီချင်ဓာတ်မှာ ကူးစက်ပိုး ကင်းစေတာ၊ ရောင်ရမ်းမှု လျော့ကျစေတာနဲ့ သွေးကြောက သွေးယိုစိမ့်မှု
မဖြစ်အောင် ကာကွယ်ပေးတာ စတဲ့ အစွမ်းအာနိသင်တွေ ရှိပါတယ်။

အိုမင်းမှုနဲ့ ရောဂါဝေဒနာတွေကို ဟန့်တားပေးပါတယ်

လတ်ဆတ်တဲ့ တည်သီးတွေမှာ ဗီတာမင်အေ၊ ဘီတာကယ်ရိုတင်း၊ လိုင်ကိုပင်း၊ လူတင်၊ ဇီဇန်သင်းနဲ့ ခရစ်ပတိုဇန်သင်းတို့လို အင်တီအောက်ဆီးဒင့် အများအပြား ပါဝင်ပါတယ်။ ဒီဒြပ်ပေါင်းတွေ စုပေါင်းပြီး မကောင်းတဲ့ ဖရီးရယ်ဒီကယ်တွေကို တွန်းလှန်ပေးတဲ့အတွက် အိုမင်းမှုကို ဟန့်တားပေးကာ ရောဂါဝေဒနာ အများအပြားရဲ့ ဖြစ်စဉ်ကို နှောင့်နှေးစေပါတယ်။

အသက်ကြီးတာကြောင့် ဖြစ်တတ်တဲ့ မက်ကူလာ ယိုယွင်းပျက်စီးမှုကို ကာကွယ်ပေးပါတယ်

တည်သီးမှာ ပါဝင်တဲ့ ဇီဇန်သင်းဟာ မျက်စိအာရုံခံလွှာရှိ မက်ကူလာမှာ အင်တီအောက်ဆီးဒင့် ရရှိစေပြီး အသက်ကြီးသူတွေမှာ ဖြစ်တတ်တဲ့ မက်ကူလာ ယိုယွင်းပျက်စီးမှု (AMRD) မဖြစ်အောင် ကာကွယ်ပေးပါတယ်။

ကူးစက်ပိုးတွေကို တွန်းလှန်ပေးနိုင်ပါတယ်

တည်သီးမှာ အများအပြား ပါဝင်တဲ့အစွမ်းထက် အင်တီအောက်ဆီးဒင့် ဗီတာမင်စီကြောင့် ကူးစက်တတ်တဲ့ ရောဂါဝေဒနာတွေကို တွန်းလှန်နိုင်ပြီး ရောင်ရမ်းမှုကို လျော့ကျစေပါတယ်။

အရေးပါတဲ့ သတ္တုဓာတ်တွေ ပါဝင်ပါတယ်

လတ်ဆတ်တဲ့ တယ်သီးမှာ ပိုတက်စီယမ်၊ မဂ္ဂနိစ်၊ ကြေးနီ၊ ဖော့စ်ဖရပ်စ် စတဲ့ ကျန်းမာရေးနဲ့ ညီညွတ်တဲ့ သတ္တုဓာတ်ပမာဏ ပါဝင်ပါတယ်။ မဂ္ဂနိစ်ဟာ ဖရီးရယ်ဒီကယ် ဖယ်ရှားရေးမှာ အစွမ်းထက်သလို ကြေးနီကလည်း အရေးပါတဲ့ အင်ဇိုင်းဖြစ်ကာ သွေးနီဥ ထုတ်လုပ်ရေးအတွက် လိုအပ်ပါတယ်။

ကင်ဆာကို ကာကွယ်ပေးနိုင်ပါတယ်

တည်သီးဟာ ဝမ်းလျှောတာကို ရပ်စေပြီး ချွေးထွက်နည်းစေကာ သွေးထွက်နေရင် နှေးစေပါတယ်။ ဒါ့အပြင် ဗီတာမင်အေ ပါဝင်မှု မြင့်မားတာကြောင့် ကင်ဆာမဖြစ်အောင် ကာကွယ်နိုင်ပါတယ်။ ရှီဗြူတောနဲ့ ဘီတူလင်းနစ် အက်စစ်တို့ ပါဝင်တာကြောင့် ကင်ဆာ ကာကွယ်နိုင်စွမ်း ရှိတယ်လို့လည်း ထင်ကြပါတယ်။

သွေးကြောစနစ်ကို ကျန်းမာစေပါတယ်

တည်သီးမှာ ဂလူးကို့စ်နဲ့ ဖရက်တို့စ် သကြားဓာတ်တို့ အများအပြား ပါဝင်တာကြောင့် သွေးကြောစနစ်ကို ကျန်းမာစေပါတယ်။ ဒါ့အပြင် နှလုံးကြွက်သားတွေကို သန်စွမ်းစေပါတယ်။

ဗီတာမင်ဘီအုပ်စု အများအပြား ပါဝင်ပါတယ်

တည်သီးမှာ ပါဝင်တဲ့ ဖောလစ်အက်စစ်၊ ဗီတာမင် B6၊ သိုင်ယာမင်တို့လို ဗီတာမင်ဘီအုပ်စုဟာ ခန္ဓာကိုယ်ထဲက ဇီဝရုပ် ဖြစ်ပျက်မှုဆိုင်ရာ အင်ဇိုင်းတွေရဲ့ လုပ်ငန်းဆောင်တာမှာ ပါဝင် လုပ်ဆောင်ပေးပါတယ်။

အသားအရေ လှပစေပါတယ်

တည်သီးဟာ အရေပြားအတွက်လည်း ကောင်းမွန်တာကြောင့် မျက်နှာပေါင်းတင်ဆေး အဖြစ် ထည့်သုံးလေ့ ရှိကြပါတယ်။ ပြုလုပ်နည်းကတော့ တည်သီးကို ကြက်ဥအနှစ်၊ သံပရာရည်နဲ့ ရောမွှေပြီး မျက်နှာပြင်အနှံ့ သုတ်လိမ်းပေးပါ။ ၁၀ မိနစ်ကြာမှ ရေဆေးချလိုက်ရင် ချွေးပေါက်ကျယ်တာနဲ့ အရေးကြောင်း ထင်တာတို့ကို လျော့ကျစေပါတယ်။

ကြယ်စင်
By Good Health

0 comments:

Post a Comment